Hagebruksavlingar, 2007

Totalavlinga av frukt på 13 500 tonn i 2007 er eit godt stykke under gjennomsnittet på 16 700 tonn for dei siste ti åra. Det var mange stader eit vanskeleg år for fruktdyrking, med frostskader i blominga og mykje regn i vekstsesongen.

Produksjonen av bær på friland er berekna til om lag 13 000 tonn, om lag 9 prosent mindre enn året før. Til samanlikning har produksjonen dei siste ti åra variert frå 9 700 til 14 000 tonn, og gjennomsnittet for perioden har vore 11 900 tonn.

Somme stader i landet fekk ein, på grunn av mykje regn i vekstsesongen, låge avlingar av grønsaker på friland. I sum for heile landet blei totalavlinga av grønsaker på friland og i veksthus likevel brukbar. Total produksjon av grønsaker er berekna til 166 500 tonn i 2007, om lag 700 tonn meir enn gjennomsnittet for tiårsperioden 1997-2006.

Tabeller:

• Tabell 1 Avling av ymse hagebruksvekstar. Førebelse tal. 2007*
• Tabell 2 Avling av frukt, hagebær og grønsaker. 1996-2007*. Tonn