Elvefiske, 2000, førebelse tal

Fangsten var fordelt på 423 tonn laks og 102 tonn sjøaure og sjørøye. I forhold til året før er det ein auke på 29 prosent for laks og 20 prosent for dei to andre fiskeslaga.

Mindre smålaks

Gjennomsnittsvekta for laks var 2,8 kilo i 2000 mot 2,7 kilo i 1999. 48 prosent av laksen var under 3 kg, 33 prosent mellom 3 og 7 kg og 19 prosent over 7 kg. Tala for 1999 var respektive 51, 30 og 19 prosent.

Av elvane som er med i den førebelse statistikken har Gaula størst fangst, med 38 tonn. Deretter følgjer Namsen, Orkla, Tengs-, Bjerkreimselva og Stjørdalselva med Sona, som alle hadde auka fangstar frå 1999. Tana med bielvar er førebels ikkje med i oppgåvene frå år 2000, men var det viktigaste vassdraget i 1999, med ein berekna fangst på 86 tonn. Ein reknar med at tala for Tana blir klare i januar 2001.