Skatt for personer, 2003

Det var personar i Oslo, Akershus og Rogaland som hadde høgast gjeld, alle med over 350 000 kroner i gjennomsnitt. Det var òg personar i desse fylka som hadde høgast bruttoinntekt.

Aldersgruppa 25-34 år hadde 457 300 kroner i gjennomsnittleg gjeld. Til samanlikning hadde personane mellom 35-44 år høgast gjeld med 518 100 kroner i snitt. Personar omkring 30 år, som eig eigen bustad, har nærare tre kvart million i gjeld. Dei med eigen bustad var generelt yngre då gjelda var på topp, samanlikna med dei som ikkje eig bustaden sin.

Lågare renteutgifter

Vi betalte 9,5 prosent mindre i renter av gjeld i 2003 enn året før. I gjennomsnitt betalte vi 18 000 kroner i renter. Det var aldersgruppa 35-44 år som betalte mest, med 30 000 kroner i gjennomsnitt. Utlånsrenta gjekk ned frå 8,7 prosent i 2002 til 4,7 prosent året etter, og er truleg ei viktig årsak til opptak av nye lån. Personar med eigen bustad betalte tre gonger så mykje renter av gjeld, samanlikna med dei som ikkje eig eigen bustad.

Dårlegare vilkår for banksparing

Innskotsrenta følgjer utlånsrenta. Dette har medført at vi i snitt mottok 1 700 kroner mindre i renter i 2003 enn i 2002. I gjennomsnitt fekk vi 5 600 kroner i renter av bankinnskot. Sjølv om rentesatsen gjekk ned, fortsette folk å setje pengar på bok. Innskota våre auka med 6 400 kroner til 130 600 kroner i gjennomsnitt.

Om statistikkgrunnlaget

Statistikkgrunnlaget byggjer på eit utdrag frå Skattedirektoratet sitt register over sjølvmeldingar ved ordinær likning, og omfattar alle personar med eit likningsforhold til Noreg. I tabellane er nytta tal for busette personar 17 år og eldre. Endring i rutinar og fristar ved likninga av næringsdrivande for inntektsåret 2003, gjer at næringsinntekta ikkje heilt kan samanliknast med åra før. Årsaka til dette er meir nettoføringar. Mellom anna er jordbruksfrådraget trekt frå næringsinntekta før den vert ført i sjølvmeldinga.

Tabeller:

• Tabell 1 Hovudpostar frå sjølvmeldinga. Busette personar 17 år og eldre. 2001, 2002 og 2003. Millionar kroner og talet på personar med beløp på postane
• Tabell 2 Gjennomsnittleg gjeld fordelt etter kjønn, alder og fylke for busette personar 17 år og eldre. 2001-2003. Kroner
• Tabell 3 Gjennomsnittlege renter av gjeld fordelt etter kjønn, alder og fylke for busette personar 17 år og eldre. 2001-2003. Kroner
• Tabell 4 Gaver til frivillige organisasjoner, etter fylker. Antall bosatte personer 17 år og over og gjennomsnitt i kroner. 2003