90420_not-searchable
/arbeid-og-lonn/statistikker/ledstill/kvartal
90420
Stadig nedgang i talet på ledige stillingar
statistikk
2012-11-14T10:00:00.000Z
Arbeid og lønn;Arbeid og lønn
no
ledstill, Ledige stillingar, jobbtilbod, næringsinndeling (for eksempel industri, undervisning, helsetenester …).Sysselsetting, Arbeidsledighet, Arbeid og lønn
false

Ledige stillingar, 3. kvartal 2012

Innhald

Publisert:

Du er inne i ei arkivert publisering.

Gå til den nyaste publiseringa

Stadig nedgang i talet på ledige stillingar

Det var 60 900 ledige stillingar i 3. kvartal 2012. Dette er ein nedgang på 7 100 stillingar frå det same kvartalet i fjor.

Ledige stillingar. 1. kvartal 2010-3. kvartal 2012

Ledige stillingar i utvalde land i prosent av talet på alle stillingar (ledige stillingar + arbeidstakarforhold). Alle næringar bortsett frå primærnæringane. 1. kvartal 2010-2. kvartal 2012

Som i 2. kvartal 2012, var det også ein nedgang i talet på ledige stillingar i 3. kvartal når ein samanliknar med det same kvartalet året før. Prosentdelen ledige stillingar var 2,4 prosent i 3. kvartal 2012, dette er 0,3 prosentpoeng lågare enn i 3. kvartal 2011.

Nedgang i pleie- og omsorgstenester, auke i offentleg administrasjon

Det var ein nedgang på 3 700 ledige stillingar i pleie- og omsorgstenester i institusjon frå 3. kvartal 2011 til det same kvartalet 2012. Denne næringa hadde også ein nedgang i 2. kvartal 2012 samanlikna med 2. kvartal året før. Likevel er denne næringa framleis blant dei med høgast prosentdel ledige stillingar. Også i varehandel, teknisk tenesteyting samt omsetning og drift av fast eigedom var det nedgang i talet på ledige stillingar i dette tidsrommet. Nedgangen i desse næringane var på høvesvis 2 900, 800 og 200 stillingar. Offentleg administrasjon hadde ein auke på 500 ledige stillingar frå 3. kvartal 2011 til 3. kvartal 2012. Denne næringa hadde også ein auke i 2. kvartal 2012, samanlikna med det same kvartalet året før.

Framleis flest ledige stillingar i forretningsmessig tenesteyting

Trass i ein liten nedgang var det flest ledige stillingar i forretningsmessig tenesteyting, både når ein ser på aboslutte og relative tal, i 3. kvartal 2012. Dei 9 200 ledige stillingane i forretningsmessig tenesteyting svarer til 6,1 prosent av alle stillingane i denne næringa. Varehandel hadde 6 800 ledige stillingar i 3. kvartal, noko som svarer til 1,9 prosent ledige stillingar. I pleie- og omsorgstenester i institusjon svarer dei 4 700 ledige stillingane til 3,2 prosent.

Framleis høg prosentdel ledige stillingar i Tyskland

I Tyskland var prosentdelen ledige stillingar 2,7 prosent i 2. kvartal 2012. Tyskland er blant landa med høgast prosentdel ledige stillingar i EU, ein posisjon landet har hatt i dei siste par åra. Til samanlikning låg prosentdelen ledige stillingar i EU, sett under eitt, på 1,5 prosent i det same kvartalet, medan prosentdelen var 2,9 i Noreg. I Sverige var prosentdelen ledige stillingar 1,8 prosent på det same tidspunktet. Storbritannia hadde ein prosentdel på 1,7. Nyare tal er førebels ikkje publiserte for alle landa, og samanlikninga mellom landa er derfor gjort for 2. kvartal 2012.

Om samanlikninga

I denne internasjonale samanlikninga er primærnæringane haldne utanfor. For meir informasjon sjå heimesidene til Eurostat .

Ledig stilling - definisjon

Stillinga må vere utlyst, formelt eller uformelt. Uformelle utlysingar er til dømes oppslag i butikk eller formidling via tilsette, venner eller familie. Ledige stillingar som berre er opne for interne søkjarar (internt i føretaket, verksemda eller konsernet), blir ikkje rekna som ledige etter denne definisjonen. Ei utlyst ledig stilling blir telt med sjølv om ho på referansetidspunktet er oppteken av ein mellombels vikar eller av den personen som skal slutte.

Prosent ledige stillingar - definisjon

Talet på ledige stillingar i prosent av talet på arbeidstakarforhold + talet på ledige stillingar.

Forholdet til NAV-statistikken om ledige stillingar

NAV publiserer kvar månad statistikk over tilgang av ledige stillingar fordelt på yrke .

NAV sine tal for behaldning av ledige stillingar utgjer mellom 30 og 40 prosent av tala på ledige stillingar som statistikken frå SSB viser. Hovudårsaka er at NAV i sine tal ikkje får med ledige stillingar som berre er lyste ut gjennom uformelle kanalar og på ein del nettsider (inkludert heimesider til bedriftene). I tillegg er det visse forskjellar i målinga/definisjonar som trekkjer den same vegen.

Dei to statistikkjeldene supplerer til ein viss grad kvarandre ved at tala frå NAV gir fordeling av ledige stillingar etter yrke, medan statistikken frå SSB gir fordeling etter næring. Vidare gir NAV tal for kvar månad, medan SSB berre dekkjer ein månad i kvart kvartal. Dessutan er SSB-tala baserte på ei utvalsundersøking, medan tala frå NAV er ei totalteljing av den populasjonen dei dekkjer.

Tabeller: