Stort fall i ledige stillingar

Publisert:

3. september 2020

Talet på ledige stillingar gjekk ned med 16 000 frå 1. til 2. kvartal 2020. Dette er ein nedgang på heile 23 prosent.

Tala er henta frå
Ledige stillingar

Artikkelen er del av serien
Ledige stillingar (arkiv)

Dette viser sesongjusterte tal frå statistikken Ledige stillingar. Den store nedgangen i talet på ledige stillingar i 2. kvartal 2020 heng saman med koronakrisa som inntrefte Noreg i mars. Dette er det første kvartalet krisa påverkar tala i denne statistikken fordi referansetidspunktet er midtmånaden i kvartalet. Les om korleis koronakrisa blir behandla i denne statistikken nedst i artikkelen.

Figur 1. Ledige stillingar. Sesongjusterte tal og trend

	Sesongjustert	Trend
2. kv. 2010	61500	61100
3. kv. 2010	65700	63000
4. kv. 2010	63200	63700
1. kv. 2011	65800	66200
2. kv. 2011	71600	69500
3. kv. 2011	70100	70500
4. kv. 2011	70200	69500
1. kv. 2012	66100	67200
2. kv. 2012	65000	64500
3. kv. 2012	63500	64100
4. kv. 2012	65600	65100
1. kv. 2013	64600	65900
2. kv. 2013	67600	65600
3. kv. 2013	61500	62100
4. kv. 2013	57400	58200
1. kv. 2014	58900	57900
2. kv. 2014	59000	58300
3. kv. 2014	56800	57400
4. kv. 2014	59800	57100
1. kv. 2015	57700	56700
2. kv. 2015	56500	54800
3. kv. 2015	52200	52600
4. kv. 2015	50300	51000
1. kv. 2016	53100	50600
2. kv. 2016	51000	51900
3. kv. 2016	55000	53900
4. kv. 2016	54200	55900
1. kv. 2017	56100	57900
2. kv. 2017	58800	59300
3. kv. 2017	60000	60800
4. kv. 2017	64000	63500
1. kv. 2018	66100	66200
2. kv. 2018	68000	68200
3. kv. 2018	72300	68700
4. kv. 2018	65500	69100
1. kv. 2019	73200	71800
2. kv. 2019	75900	74000
3. kv. 2019	69900	72700
4. kv. 2019	70700	69800
1. kv. 2020	69500	67800
2. kv. 2020	53500	54500

Den sesongjusterte prosentdelen av ledige stillingar var på 1,9 i 2. kvartal 2020, ned 0,4 prosentpoeng samanlikna med førre kvartal. I løpet av perioden har det som nemnt vore ein stor nedgang i talet på ledige stillingar, men talet på arbeidsforhold har også gått noko ned. Dette siste trekker isolert sett prosentdelen ledige stillingar opp. Derfor er den relative nedgangen i prosentdelen ledige stillinga noko mindre enn den relative nedgangen i talet på ledige stillingar.

Fall på sytti prosent i olje og gass

Nesten alle næringar hadde nedgang i talet på ledige stillingar frå 1. til 2. kvartal 2020. I næringa bergverksdrift og utvinning, som er dominert av olje- og gassverksemd, gjekk talet på ledige stillingar ned frå 1 000 i 1. kvartal til berre 300 i 2. kvartal. I mars falt oljeprisen kraftig og den var på eit botnpunkt i mai, som er referansetidspunktet for 2. kvartal i denne statistikken.

Andre næringar med stort fall i talet på ledige stillingar inkluderte transport og lagring samt overnatting- og servering. Disse to næringane hadde nedgang i talet på ledige stillingar på høvesvis 48 og 43 prosent frå 1. til 2. kvartal. Dette var blant næringane som blei særskilt ramma av tiltaka myndigheitene iverksette i mars for å redusere spreiinga av koronaviruset.

Handtering av koronakrisa i statistikken over ledige stillingar

Koronakrisa påverkar statistikken over ledige stillingar på fleire vis som er viktig å ta omsyn til når ein tolkar tala. I dei sesongjusterte tala har vi følgt Eurostat sine retningslinjer som seier at effekten av koronakrisa ikkje skal inngå i grunnlaget for sesongmønsteret. Det inneber at vi frå og med 2. kvartal 2020 antar at sesongmønsteret er uendra, og at vi korrigerer for den systematiske sesongvariasjon berekna på data før koronakrisa. Vi gjer dette frå og med 2. kvartal fordi referansetidspunktet for 1. kvartal i statistikken over ledige stillingar er utgangen av februar, altså månaden før koronakrisa inntrefte.

Talet på arbeidsforhold (jobbar), som vil seie størstedelen av nemnaren i prosentdelen ledige stillingar, har i fleire næringar gått ned i 2. kvartal 2020. Særleg gjeld dette næringar som er ramma av de nasjonale tiltaka for å redusere spreiinga av koronaviruset. Nedgangen i talet på arbeidsforhold heng saman med oppseiingar, langvarige permitteringar (permitteringar over 90 dagar blir ikkje rekna som sysselsetting), mindre bruk av tilkallingsvikarar og færre nytilsettingar. Nedgang i talet på arbeidsforhold fører isolert sett til ein auke i prosentdelen ledige stillingar.