Varekonsumindeksen, april 2002

Den ujusterte varekonsumindeksen var i april 8,3 prosent høgare i volum enn han var i same månad året før. I dei fire første månadene var den ujusterte volumindeksen 3,7 prosent høgare enn han var i same periode året før.

På grunn av ei revidering av modellen for utrekning av indeksen, i samband med talrevisjonen av den årlege og den kvartalsvise nasjonalrekneskapen, kan ikkje indekstala samanliknast direkte med tala frå tidlegare publiseringar.

Samanlikna med detaljomsetningsindeksen har varekonsumindeksen eit anna og vidare innhald, som fører med seg ulik utvikling i dei to indeksane. For varer som vert selde i detaljhandelsnæringa nyttar ein detaljomsetningsindeksen som indikator. I tillegg nyttar ein tal for førstegongsregistrerte bilar og motorsyklar, sal av bensin til bensinstasjonar og forbruket av elektrisitet i hushalda.

Varekonsumindeksen nyttar dei same definisjonane og metodane som i den kvartalsvise nasjonalrekneskapen, og er difor ein indikator for posten varekonsum i kvartalsvis nasjonalrekneskap.