13732_not-searchable
/teknologi-og-innovasjon/statistikker/inet/arkiv
13732
Oslo og Rogaland er breibandsfylka
statistikk
2006-11-24T10:00:00.000Z
Teknologi og innovasjon;Svalbard
no
inet, Internett-målinga (avslutta i Statistisk sentralbyrå), breibandsabonnement, overføringskapasitet, overføringshastigheit, bedriftsmarknad, privatmarknadTeknologi og innovasjon, Informasjons- og kommunikasjonsteknologi - IKT, Teknologi og innovasjon, Svalbard
false

Internett-målinga (avslutta i Statistisk sentralbyrå), 2005/2006

Innhald

Publisert:

Du er inne i ei arkivert publisering.

Gå til den nyaste publiseringa

Oslo og Rogaland er breibandsfylka

Det var 1 068 000 breibandsabonnement ved utgangen av 1. kvartal 2006, 37 prosent fleire enn i same periode i 2005. Mange har også fått raskare breiband.

Privatmarknaden. Breibandsabonnement (overføringskapasitet over 128 kbit/s) i prosent av hushalda. 1. kvartal 2006. Kommunar

Av desse var 963 000 private breibandsabonnement, noko som er ein auke på 39 prosent frå same tid i fjor. I bedriftsmarknaden var det 105 000 abonnement, som inneber ein auke på 26 prosent frå 1. kvartal 2005.

Breibandsabonnement fordelt etter marknad. 3. kvartal 2002-1. kvartal 2006

Over 50 prosent

Oslo og Rogaland er fylka med flest breibandsabonnement i høve til hushalda med om lag 56 prosent. Akershus har også ein høg del abonnement, med 53 prosent. Oppland og Finnmark er fylka med relativt minst breiband med om lag 37 prosent.

Oslo og Rogaland er òg fylka med størst del breibandsabonnement over 1 Mbit/s, kor 61 prosent av abonnementa har denne overføringskapasiteten. I Finnmark er tilsvarande tal 32 prosent.

Private breibandsabonnement fordelt etter kommunane si
sentralitetskode. 1. kvartal 2006
Sentralitet1 Breibandsabonnement Breibandsabonnement i prosent av hushalda
Minst sentrale kommunar 88 914 35
Mindre sentrale kommunar 57 333 41
Noko sentrale kommunar  224 372 45
Sentrale kommunar  591 338 53
1  Standard for kommuneklassifisering (NOS C 192).

Flest abonnement i dei sentrale strøka

Deler ein inn kommunane etter SSB sin Standard for kommuneklassifisering, ser ein at dei sentrale kommunane har høgast grad breibandsabonnement i høve til hushalda med 53 prosent. Til samanlikning er det berre 35 prosent i dei minst sentrale kommunane som har breiband.

Det er åtte kommunar kor det er meir enn 60 prosent breibandsabonnement i høve til hushalda. 6 av desse ligg i Rogaland. Dei andre to er Sunndal kommune i Møre og Romsdal og Bykle kommune i Aust-Agder.

Ved utgangen av 1. kvartal 2006 har alle kommunar, med unntak av Modalen i Hordaland, breibandsabonnement frå kommersielle internettleverandørar. Samstundes veit vi at Modalen har 100 prosent breibandsdekning gjennom ein spesialordning i regi av si eiga kommune.

Kommunar med flest private breibands-
abonnement ved utgangen av 1. kvartal 2006
i høve til hushalda1
Kommunar Breibandsabonnement i prosent av husholda
Landsgjennomsnitt 47,7
1120 Klepp 76,2
1563 Sunndal 74,3
0941 Bykle 66,5
1127 Randaberg 62,4
1103 Stavanger 61,3
1122 Gjesdal 61,0
1102 Sandnes 60,9
1124 Sola 60,3
0217 Oppegård 59,9
0220 Asker 58,8
0213 Ski 58,3
0216 Nesodden 58,1
0219 Bærum 58,0
1601 Trondheim 57,6
1556 Frei 56,9
0231 Skedsmo 56,9
0706 Sandefjord 56,6
0301 Oslo 56,6
0215 Frogn 56,1
1246 Fjell 56,0
1502 Molde 55,9
1744 Overhalla 55,3
1221 Stord 55,2
1714 Stjørdal 55,1
1201 Bergen 54,5
1  Berre basert på data frå kommersielle internettleverandørar.

Både privatpersonar og bedrifter kan teikne fleire internettabonnement, likeins kan fleire privatpersonar bruke eit abonnement. Talet på abonnement er difor ikkje det same som talet på hushald/bedrifter med internettilgang. Til dømes kan hushalda få internettilgang gjennom arbeidsgivar, utdanningsinstitusjon eller ved at fleire husstandar deler abonnement. Sjå undersøkinga "IKT i husholdningene", http://www.ssb.no/emner/10/03/ikthus/ , for tal på hushald med breibandstilgang.

For meir informasjon, sjå i ”Om statistikken” .

Tabeller: