32408_not-searchable
/priser-og-prisindekser/statistikker/kpi/arkiv
32408
Opp 2,3 prosent siste tolv månader
statistikk
2006-06-09T10:00:00.000Z
Priser og prisindekser;Inntekt og forbruk
no
kpi, Konsumprisindeksen, KPI, inflasjon, prisutvikling, prisvekst, KPI-JAE, indeksregulering, deflasjon, deflator, varegrupper, tjenestegrupper, priskalkulator, indeksKonsumpriser, Forbruk, Inntekt og forbruk, Priser og prisindekser
false

Konsumprisindeksen, 15. mai 2006

Innhold

Publisert:

Du er inne i en arkivert publisering.

Gå til nyeste publisering

Opp 2,3 prosent siste tolv månader

Konsumprisindeksen (KPI) auka med 2,3 prosent frå mai 2005 til mai 2006. Det kjem mellom anna av høgare prisar på energivarer. KPI viste derimot inga endring frå april til mai. KPI justert for endringar i avgifter og utan energivarer (KPI-JAE) steig med 0,7 prosent frå mai 2005 til mai 2006.

Konsumprisindeksen. 1998=100

KPI var 117,9 (1998=100, dvs. referanseåret) per mai 2006 mot 115,2 på same tid i fjor, som tilsvarer ein oppgang på 2,3 prosent. Tolvmånadersveksten i KPI fall dermed med 0,4 prosentpoeng frå april til mai. Tolvmånadersveksten i KPI-JAE var på 0,7 prosent i mai, ned frå 0,8 prosent i april.

Inga endring i KPI frå april til mai

Konsumprisane viste i gjennomsnitt inga endring frå april til mai. Dei viktigaste impulsane til prisvekst frå april til mai kom frå matvarer med ein prisauke på 0,8 prosent, og det var hovudsakleg friske grønsaker og frisk frukt som medverka til prisoppgangen. Bensinprisane medverka også i retning av prisvekst med ein auke på 1,5 prosent frå førre månad. Elektrisitetsprisane medverka i motsett retning med eit fall på 2,4 prosent frå april til mai.

Energiprodukt trekte KPI mest opp siste tolv månader

KPI steig med 2,3 prosent frå mai 2005 til mai 2006. Det største tilskotet til prisveksten kom frå energiprodukt, der elektrisitetsprisane auka med 25,3 prosent og bensinprisane med 11,6 prosent frå mai i fjor til mai i år. Prisane på anna brensel har også vist kraftige prisaukar dei siste tolv månadene.

Med prisaukar på respektive 2,5 og 2,4 prosent medverka også betalt og estimert husleige til veksten i KPI dei siste tolv månadene. Det same gjorde prisane på tenester knytte til kultur og fritid og helsetenester som steig med respektive 5,6 og 8,4 prosent frå mai 2005 til mai 2006.

I motsett retning medverka audiovisuelt utstyr til å dempe veksten i KPI med eit prisfall på 8,2 prosent frå mai 2005 til mai 2006. Også barnehagesatsane trekte den generelle prisveksten ned.

Nedgang i tolvmånadersveksten

Tolvmånadersveksten i KPI gjekk ned frå 2,7 prosent i april til 2,3 prosent i mai. Nedgangen kjem hovudsakleg av prisutviklinga på elektrisitet med ein nedgang i mai i år mot ein auke i mai i fjor. Teleutstyr medverka også til nedgangen i tolvmånadersveksten i KPI med eit prisfall i mai i år mot ein kraftig oppgang på same tid i fjor.

Tolvmånadersveksten i KPI-JAE var på 0,7 prosent i mai 2006, noko som er ein nedgang på 0,1 prosentpoeng frå april. Tolvmånadersveksten i KPI justert for endringar i avgifter (KPI-JA) gjekk frå 2,6 prosent i april til 2,1 prosent i mai.

Konsumprisindeksen. 1998=100
  Vekter Indeks Endring i prosent
  August 2005-
juli 2006 		Mai 2006 April 2006-
mai 2006 		Mai 2005-
mai 2006 		Januar-mai 2005-
januar-mai 2006
KPI totalindeks 1 000,0  117,9 - 2,3 2,4
Matvarer og alkoholfrie drikkevarer  117,4  109,8 0,6 1,4 1,1
Alkoholhaldige drikkevarer og tobakk 29,9  128,9 0,3 1,9 1,5
Klede og skotøy 59,2 70,5 0,7 -1,4 -1,7
Bustad, lys og brensel  260,2  139,8 -0,4 6,0 5,6
Møblar og hushaldsartiklar mv. 69,6 98,6 -0,1 -2,0 -1,4
Helsepleie 28,1  133,6 - 3,7 4,1
Transport  173,1  125,2 0,4 3,6 3,8
Post og telekommunikasjonar 27,3 84,7 -1,4 1,2 4,2
Kultur og fritid  124,5  107,1 -0,3 0,4 0,3
Utdanning 3,2  145,5 - 2,2 2,2
Hotell- og restauranttenester 38,6  127,4 0,1 2,4 2,5
Andre varer og tenester 68,9  120,5 - -1,3 -1,3
           
KPI-JE    113,7 0,1 1,0 1,1
KPI-JA    115,3 - 2,1 2,1
KPI-JAE    111,0 0,1 0,7 0,8