6450_not-searchable
/befolkning/statistikker/flyktninger/aar
6450
Litt over 80 000 med flyktningbakgrunn
statistikk
2001-06-22T10:00:00.000Z
Befolkning;Innvandring og innvandrere;Befolkning
no
flyktninger, Personer med flyktningbakgrunn, flyktninger, primærflyktninger, overføringsflyktninger, kvoteflyktninger, asyltilfeller, asylanter, familiegjenforening, ekteskapsetablering, landbakgrunnBefolkning, Folketall, Innvandrere, Innvandring og innvandrere, Befolkning
false

Personer med flyktningbakgrunn, 1. januar 2000

Innhold

Publisert:

Du er inne i en arkivert publisering.

Gå til nyeste publisering

Litt over 80 000 med flyktningbakgrunn

Ved inngangen til 2000 budde det i Noreg 77 100 personar som kom til landet første gong som flyktning eller som familiemedlem til flyktning. Tek vi med nærare 3 000 personar som er ufullstendig registrerte i Flyktningregisteret, vert det reelle talet på busette personar med flyktningbakgrunn noko over 80 000.

Av dei 77 100 personane hadde 58 900 blitt registrerte som flyktningar da dei kom til landet, medan resten (18 200) kom som familiemedlemmer. Nær 60 prosent av dei med eiga registrering som flyktning var asyltilfelle.

64 prosent av personane med flyktningbakgrunn hadde per 1. januar 2000 budd i landet mindre enn ti år. Berre 3 prosent hadde ei butid på over 20 år.

35 000 eller 45 prosent av alle med flyktningbakgrunn hadde norsk statsborgarskap. Størst del norske statsborgarar var det i grupper som har budd lenge i Noreg. Så mange som 99 prosent av ungararane og 84 prosent av dei vietnamesiske flyktningane hadde norsk statsborgarskap. Lågast kjem personar med bakgrunn frå Bosnia med 0,7 prosent norske statsborgarar. Den viktigaste grunnen til dette er kortare butid.

Mellom 1.januar 1999 og 2000 auka talet på personar med flyktningbakgrunn med 9 800. Av enkeltgrupper stod jugoslavar for den største auken, med 5 000 personar. Deretter kjem irakarar med 1 970 personar.

Ein tredjedel av flyktningane hadde bakgrunn frå Aust-Europa, medan resten kom frå land i den tredje verda (Asia, Afrika, Mellom- og Sør-Amerika og Tyrkia).

Dei fleste bur i Oslo

Alle fylke hadde i 1999 ein vekst på personar med flyktningbakgrunn. Oslo er framleis det fylket som har flest flyktningar med 20 800 personar. Dette utgjer 27 prosent av alle flyktningar i landet. Flyktningar i Oslo stod for 4,1 prosent av den totale folkemengda i Oslo. Færrast flyktningar finn vi i Finnmark og Nord-Trøndelag med respektive 850 og 910 personar.

Flyktningar1, etter fylke.
1. januar 2000
  Flyktningar
I alt 77 084
01 østfold 4 229
02 Akershus 7 455
03 Oslo 20 812
04 Hedmark 2 528
05 Oppland 2 445
06 Buskerud 4 024
07 Vestfold 3 032
08 Telemark 2 779
09 Aust-Agder 1 576
10 Vest-Agder 4 024
11 Rogaland 6 102
12 Hordaland 5 931
14 Sogn og Fjordane 1 085
15 Møre og Romsdal 2 156
16 Sør-Trøndelag                                                                   3 787
17 Nord-Trøndelag 913
18 Nordland 2 093
19 Troms 1 265
20 Finnmark 848
1  Nemninga 'flyktning' brukar ein her om personar busette i Noreg, som ein gong har
kome til Noreg av fluktgrunnar (familie rekna med), utan omsyn til om personen har
fått flyktningestatus (etter Genevèkonvensjonen). Barn som flyktningane har fått
etter at dei kom til Noreg er ikkje rekna med.

Flest menn

Blant dei med flyktningbakgrunn var det per 1. januar 2000 om lag 10 000 fleire menn enn kvinner. I dei største flyktninggruppene finn vi eit klart mannsoverskudd hos flyktningar frå Irak og Iran. Aldersgruppa 20-49 år utgjorde 64 prosent av alle med flyktningbakgrunn, mens berre 5 prosent var 60 år eller eldre.

Datakjelde

Statistikken er basert på data frå SSB sitt befolkningsstatistikksystem, Fremkonregisteret og Flyktningregisteret (begge tilhøyrer Utlendingsdirektoratet) som blei samkøyrt 1. januar 1994. Desse data er så oppdaterte, med eit uttak frå Flyktningregisteret frå mars 2001. Underdekninga som oppstår i statistikken kjem i første rekke av forseinkinga i påføring av fødselsnummer i Flyktningregisteret.

Tabeller: