Barnevernspersonell, 2009

Tal på nasjonalt, fylkes- og kommunenivå.

Statistikken kjem ut ein gong i året.

Ikkje relevant

SSB har årgangsfiler og filforklaringar.

Statistikk over personell i sosialkontortenesta, som er ein summarisk statistikk, blei fyrste gong innsamla i 1984. Det var fyrst i 1991 at tilsette i barnevernet blei skilt ut under nemninga av desse personar til barnevernsarbeid. Frå og med 1992 er barnevernet skilt ut som ei eiga teneste, og frå no registrerer ein stillingar etter utdanning omrekna til heile stillingar, og i tillegg talet på ledige stillingar per 31.12. I dag blir opplysningar om tilsette samla inn på to ulike skjema, eit for barneverntenesta og eit anna for sosialkontortenesta, sjøl om mange tilsette arbeider både med barnevern og sosialhjelp. Opplysningar om organisering og samarbeid blei fyrste gong publisert i 1993.

Brukarar: Barne- og familiedepartementet, Kommunal- og regionaldepartementet, fylke og kommunar, granskingsinstitusjonar, presse, studentar innan helse- og sosialfag.

Bruksområde: Offentleg planlegging, gransking og utgreiing, utdanning og offentleg debatt.

Ikkje relevant

Opplysningane blir henta inn av Barne- og familiedepartementet med heimel i lov om barneverntjenester av 17. juli 1992 (BVL), §2-3. Statistisk sentralbyrå står for sjølve innsamlinga av oppgåvene og i medhald av statistikklova av 16. juni 1989 §3-2 nyttar vi dei til produksjon av offisiell statistikk.

Ikkje relevant

Registreringa av personellinnsats, organisering og samarbeid i det kommunale barnevernet, byggjer på eitt skjema som skal sendast inn ein gong i året. Når det gjeld organisering og samarbeid, byggjer dataene på ei enkel avkryssing på eit skjema med prekoda svaralternativ. Data over tilsette er knytt til teljedatoen 31. desember.

Dataene kjem frå den kommunale barneverntenesta.

Ikkje utval. Alle kommunar sender inn oppgåver, og opplysningar om alle tilsette skal registrerast.

Kommunane sender inn eit registreringsskjema ein gong i året (frist 15. februar). For KOSTRA-kommunar vert data no overførte elektronisk og registrerte på elektroniske skjema.

Utfylling av eit elektronisk skjema for ein som kjenner barneverntenesta vil truleg ta ca. 5 min.

Kontroll av data byggjer på ei jamføring med tal på tilsette frå året før.

Ikkje relevant

I perioden 1984-1990 fins det ikkje tal for tilsette i den kommunale barneverntenesta. Frå og med 1992 er barnevernet skilt ut som ei eiga teneste, og registreringa av personell er ikkje blitt nemneverdig endra etter dette. Det er difor ingen brot i tidsserien over tilsette i barnevernet.