Harmonisert konsumprisindeks, november 2001

Prisnedgangen frå oktober til november kjem i stor grad av lågare bensinprisar. Prisutviklinga på elektrisitet og bensin forklarer i all hovudsak den kraftige nedgangen i 12-månadersveksten i november. Sjå artikkel om konsumprisindeksen for november for fleire detaljar.

Endring frå september til oktober i EØS-området

Totalindeksen for heile EØS-området var i oktober 109,6 (1996=100). Dette er ein nedgang på 0,1 prosent frå september til oktober. 12-månadersveksten var 2,2 prosent i oktober, mot 2,4 prosent i september. Landa som inngår i eurosona hadde ein totalindeks på 109,6 i oktober og 12-månadersveksten var i oktober på 2,4 prosent.

Noreg hadde lågast prisvekst i Norden

Island hadde den klart høgaste prisveksten i Norden frå oktober i fjor til oktober i år med 8,3 prosent. Det er særleg prisane på andre varer og tenester, alkoholhaldige drikkevarer og tobakk som har stige mest i pris. Også prisane på matvarer og alkoholfrie drikkevarer samt kommunikasjon har auka meir enn den gjennomsnittlege prisveksten på Island. I Sverige, Finland og Danmark har konsumprisane stige med respektive 2,9, 2,4 og 2,0 prosent dei siste 12 månadene. Noreg er det landet i Norden som har hatt den lågaste prisveksten i oktober med 1,8 prosent. Dette kjem hovudsakleg av prisnedgang på matvarer og alkoholfrie drikkevarer. Klede og skotøy samt kommunikasjon har også falle i pris siste 12 månader.