32137_not-searchable
/priser-og-prisindekser/statistikker/hkpi/arkiv
32137
Oppgang i harmonisert indeks
statistikk
2001-05-10T10:00:00.000Z
Priser og prisindekser;Inntekt og forbruk
no
hkpi, Harmonisert konsumprisindeks, HKPI, inflasjon, EU-land, EØS-land, prisutvikling, prisvekst, varegrupper (for eksempel matvarer, bustad, tranport), tenestegrupper (for eksempel teletenester, hotell og restaurantar)Konsumpriser, Forbruk, Inntekt og forbruk, Priser og prisindekser
false

Harmonisert konsumprisindeks, april 2001

Innhald

Publisert:

Du er inne i ei arkivert publisering.

Gå til den nyaste publiseringa

Oppgang i harmonisert indeks

Den norske harmoniserte konsumprisindeksen var i april 113,7 (1996=100). Dette er ein oppgang på 0,5 prosent frå mars. Frå april 2000 til april i år (12-månadersveksten) auka indeksen med 3,6 prosent etter 3,5 prosent i mars.

Høgare prisar på bensin, flybillettar og elektrisitet medverka til oppgangen i den harmoniserte indeksen frå mars til april.

Heile EØS-området

HKPI for heile EØS-området var 108,3 i mars 2001. Dette er ein oppgang på 0,4 prosent frå februar. Frå mars i fjor til mars i år steig HKPI med 2,3 prosent innanfor EØS-området.

Landa som inngår i den europeiske monetære union (EMU), hadde òg ein totalindeks på 108,3 i mars, ein oppgang på 0,4 prosent frå sist månad. 12-månadersveksten i EMU-området var 2,6 prosent i mars 2001.

Oppgang og nedgang i EØS-området

Målt som 12-månadersendring i mars, har prisane i gruppa matvarer og alkoholfrie drikkevarer hatt den sterkaste veksten i EØS-området med 4,2 prosent. Av enkeltland var det Portugal, Nederland og Irland som hadde høgast prisoppgang i denne gruppa, medan Island, Sverige og Noreg hadde den lågaste. I same periode steig prisane på bustad, lys og brensel med 4,0 prosent innanfor heile EØS-området, og her var Noreg det landet som hadde sterkast auke. Prisane på teletenester held fram med å falle i EØS-området og var i mars 4 prosent lågare enn i tilsvarande månad i fjor. Irland hadde den største nedgangen med heile 11,6 prosent.

Harmonisert konsumprisindeks for Noreg og andre
utvalde land
  Februar 2001-
mars 2001 		Endring i prosent
  Februar 2000-
februar 2001 		Mars 2000-
mars 2001 		April 2000-
april 2001
Noreg 0,3 3,5 3,5 3.6*
Island 0,7 3,9 4,1  
Sverige 0,8 1,5 1,7  
Danmark         0,6 2,3 2,2  
Finland 0,5 2,7 2,5  
Tyskland 0,2 2,5 2,5  
England 0,4 0,8 1,0  
EøS 0,4 2,3 2,3  
EU 0,4 2,3 2,3  
EMU 0,4 2,6 2,6  
USA1 0,2 3,5 2,9  
Japan1 ... -0,1 ...  
1  Nasjonal konsumprisindeks.
Kilde:  Statistisk sentralbyrå og EUROSTAT.