Avløps- og renovasjonsverksemd, omsetning, 5. termin 2007

Bedriftene som driv med oppsamling og behandling av avløpsvatn hadde ein auke i omsetninga på 13 prosent jamført med same periode året før. Omsetninga var på 260 millionar kroner.

Omsetninga var på 2,2 milliardar kroner for dei bedriftene som driv med innsamling og handtering av anna avfall.Dette tilsvarar ein auke på 13 prosent samanlikna med same periode i 2006.

Dei bedriftene som arbeider med ytre reinhald, miljørydding, miljøreinsing og liknande verksemd hadde ei omsetning på 59 millionar kroner i september og oktober 2007. Dette er ein auke på 10 prosent jamført med same periode året før.

Tabeller:

• Tabell 1 Omsetning innafor avløps- og renovasjonsverksemd. Omsetning eksklusiv meirverdiavgift. Millionar kroner