Jordbruksareal og husdyr (opphørt), 31. juli 2004, førebelse tal

Det samla jordbruksarealet for dei som søkte om produksjonstilskott i 2004 var 10,23 millionar dekar, og av dette var 8,6 millionar dekar fulldyrka jordbruksareal. Det fulldyrka jordbruksarealet har gått ned med 176 500 dekar dei siste fem åra. Kornarealet låg på same nivå som året før, 3,2 millionar dekar, og utgjorde 32 prosent av jordbruksarealet.

Korndyrkinga fordelte seg med 45 prosent bygg, 26 prosent havre, 26 prosent kveite og 2 prosent rug og rugkveite.

Talet på einingar som dyrkar korn og oljevekstar til modning, minka frå 17 500 i 2003 til 16 800 i 2004. Gjennomsnittleg areal per eining som dyrka desse vekstane var 196 dekar, mot 189 dekar året før.

Engarealet utgjorde 63 prosent av jordbruksarealet og var på 6,45 millionar dekar i 2004. Tre fjerdepartar av engarealet er fulldyrka eng. Arealet av fulldyrka eng har gått noko ned det siste året, medan det har vore ein svak auke i arealet av overflatedyrka eng og beite.

Fleire ammekyr, færre mjølkekyr

I 2004 var det 52 700 ammekyr og 271 100 mjølkekyr. Talet på ammekyr auka noko frå 2003 til 2004, medan det blei noko færre mjølkekyr. Andre storfe utgjorde 613 600, ein nedgang på 10 400 frå året før.

Talet på avlssvin var 99 500 i 2004, ein auke på 3 300 frå året før. Talet på mjølkegeiter går stadig nedover, og var redusert til 44 700 i 2004.

Tabeller:

• Tabell 1 Jordbruksareal, etter bruken. 1995-2004*
• Tabell 2 Jordbruksareal, etter fylke og bruken av arealet
• Tabell 3 Husdyr. 1995-2004*
• Tabell 4 Storfe, etter fylke. 2004*
• Tabell 5 Driftseiningar med korn og oljevekstar til modning, etter kornareal. 1995-2004*
• Tabell 6 Driftseiningar med ku, etter buskapsstorleik. 1995-2004*