Innhold
Publisert:
Du er inne i en arkivert publisering.
Brei nedgang i nye ordrar
Ordretilgangen gjekk vidare ned i 4. kvartal 2008. Svikt i etterspurnaden frå heime- og eksportmarknaden var årsaka til dette. Ordrereservane var framleis svært høge for enkelte næringar.
Ordrebasert industri melde om ein ytterlegare svikt i ordretilgangen. I 4. kvartal 2008 var denne heile 31,1 prosent lågare enn på same tid i 2007. Gjennomgåande svakare verdiar for ordretilgangen i dei aktuelle næringane var årsaka. Ordrereservane gjekk ned med moderate 5,7 prosent i same periode. Valutaeffektar knytt til mellom anna ein høgare dollarkurs dempa nedgangen noko.
Få nye ordrar i transportmiddelindustrien
Transportmiddelindustrien rapporterte om eit kraftig fall i ordretilgangen. I 4. kvartal 2008 var denne heile 53,8 prosent lågare enn på same tid i 2007. Ordrereservane gjekk ned med 33,9 prosent i denne perioden. Usikker finansiering av eksisterande kontraktar kan verka inn på utviklinga framover.
Valutaeffektar skapar vekst i ordrereservane i maskinindustrien
Ordretilgangen i maskinindustrien var heile 48,6 prosent lågare i 4. kvartal 2008 enn på same tid i 2007. Trass i dette steig ordrereservane med 23,4 prosent i same tidsrom. Kapasitetsproblem og valutaeffektar grunna ei styrking av dollarkursen forklarer dette. Næringa er dominert av få aktørar kor store delar av produksjonen finn stad i utlandet, som tidlegare nemnt.
Lågare etterspurnad og prisar på metall
Metallindustrien melder om svikt i etterspurnaden både i heime- og eksportmarknaden. Ein kraftig brems i bygg- og anleggssektoren sørgde for lågare innanlandsk ordretilgang, medan den globale konjunkturnedgangen førde til lågare ordretilgang i eksportmarknaden. Svekka marknadsprisar trakk også ned tala. Samla ordretilgang i 4. kvartal 2008 var 34,6 prosent lågare enn på same tid i 2007. Ordrereservane i næringa fall om lag tilsvarande.
Svakare prisar på kjemiske produkt
Innanlandske produsentar av kjemikaliar og kjemiske produkt melder om ein ytterlegare nedgang i ordretilgangen. Denne var 24 prosent lågare enn på same tid i 2007. Ordrereservane fall med 14,2 prosent i same tidsrom. For produsentar av kjemiske råvarer var nedgangen i ordretilgangen på heile 35,8 prosent. Dette hang saman med reduserte marknadsprisar.
For internasjonale samanlikningar av ordretilgangen i industrien viser SSB til EUROSTAT (EU).
Næring | Tilgang (trend)1 | Reserve (ujusterte) 4. kvartal 2007- 4. kvartal 2008 |
|||||||||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
2. kvartal 2008- 3. kvartal 2008 |
3. kvartal 2008- 4. kvartal 2008 |
||||||||||||||||||||||||||||||||||||||
Totalt | -14,9 | -11,7 | -5,7 | ||||||||||||||||||||||||||||||||||||
Kjemiske råvarer | -28,9 | -27,7 | -19,2 | ||||||||||||||||||||||||||||||||||||
Metallindustri | -31,2 | -30,0 | -32,4 | ||||||||||||||||||||||||||||||||||||
Maskinindustri | 1,9 | -3,9 | 23,4 | ||||||||||||||||||||||||||||||||||||
Oljeplattformer | -6,7 | 8,4 | -10,0 | ||||||||||||||||||||||||||||||||||||
1 | Tallene viser den årlige endringen i trendserien, regnet på grunnlag av endringen fra forrige kvartal omregnet til årsvekst. |
Viktig melding: Snart ny næringsklassifiseringFrå 1. kvartal 2009 vil det bli brukt ein ny versjon av Eurostats næringsklassifisering NACE, ein nomenklatur for klassifisering av bedrifter og føretak i ulike næringar. Ordrestatistikken vil bli påverka av endringane i nomenklaturen frå og med publisering av indeksar for 1. kvartal 2009. Klikk her for å lese meir om kva dette vil tyde for brukarar, berekningar og publiseringar . |
Tabeller
Kontakt
-
SSBs informasjonstjeneste
E-post: informasjon@ssb.no
tlf.: 21 09 46 42