Lagerindeks for industri (opphørt), 4. kvartal 2004

Lagerauke for oljeplattformer og modular

Samla lagerbehaldning innafor næringa oljeplattformer og modular heldt fram med å stige i 4. kvartal 2004, men er framleis på eit lågt nivå. Målt i faste prisar er indikatoren om lag 12 prosent høgare enn på same tidspunkt i 2003. Målt i løpande prisar gir dette ein oppgang på 14,9 prosent.

Teikn til betring i transportmiddelindustrien

Lagerbehaldninga til transportmiddelindustrien var om lag 18 prosent høgare enn i 4. kvartal 2003 - målt i faste prisar. Målt i løpande prisar gir dette ein auke på i underkant av 21 prosent. Nokre store kontraktar i eksportmarknaden for bygging av skip medverka sterkt til utviklinga.

Auka lagerbehaldning i metallindustrien

Samla lagerbehaldning i metallindustrien er merkbart høgare enn i 3. kvartal 2004, men framleis om lag 11 prosent lågare enn på same tid i 2003 - målt i faste prisar. Auka lager av ferdigvarer innafor produksjon av ikkje-jernhaldige metall medverka sterkt til utviklinga.

Bortimot uendra lager innafor kjemisk industri

Lagarbehaldninga i næringa kjemisk industri var heile 23,6 prosent lågare enn i 4. kvartal 2003 - målt i faste prisar. Målt i løpande prisar gir dette ein nedgang på 13,8 prosent. Ein kraftig reduksjon i lagra av ferdigvarer var årsak til utviklinga.