Lønnssummer fra Lønns- og trekkoppgaveregisteret, 1999

Auken i privat eigde foretak var på 7,0 prosent medan auken i offentleg forvaltning var 6,5 prosent. Tilsvarande tal frå 1997 til 1998 var ein auke på 12,4 prosent i private foretak og 8,7 prosent i offentleg forvaltning.

Privat eigde foretak utbetalte 52,6 prosent av samla lønn, honorar med vidare, medan offentleg eigde foretak stod for 30,5 prosent av utbetalingane. Dei finansielle foretaka stod for 3,1 prosent av dei samla utbetalingane av lønn, honorar med vidare.

Høg vekst i tenesteyting

Det har vore ein sterk auke i samla utbetaling av lønn, honorar med vidare i forretningsmessig tenesteyting, der veksten frå 1998 var på 11,4 prosent. Industrien hadde til samanlikning ein vekst på 2,8 prosent medan varehandel hadde ein auke på 5,8 prosent. Industri og varehandel var dei to næringane med størst utbetaling av lønn, honorar med vidare, og utgjorde 16,0 prosent og 13,3 prosent av dei samla utbetalingane.

Fleire mottok lønn

I 1999 var det totalt 2 584 000 personer som tok imot lønn, honorar med vidare. Dette er ein auke på om lag 26 400 personer, eller 1,0 prosent frå 1998. Auken var mest markant for dei mellom 51 og 65 år, der auken var på 4,3 prosent frå året før. For personar mellom 20 og 30 år var det ein nedgang på 1,3 prosent. I Oslo/Akershus-området var det 1,3 prosent fleire som tok imot lønn, honorar med vidare i 1999 enn året før, medan det i Nord-Noreg var 0,2 prosent færre.

Færre tok imot dagpengar

184 100 personar tok imot dagpengar i 1999, ein nedgang på 10,0 prosent frå året før. Talet på personar som tok imot dagpengar blei redusert i alle regionane. Nedgangen var størst i Oslo/Akershus- området, der det var ein reduksjon på 14,3 prosent. Totale utbetalingar av dagpengar var på nær 5,4 milliardar i 1999, noko som var ein auke på 3,1 prosent frå 1998. Det var ein auke på 14,6 prosent i gjennomsnittleg utbetaling per person blant dei som tok imot dagpengar.

Auke i utbetalingane av pensjonar og liknande

Det blei totalt utbetalt 131,8 milliardar kroner i pensjonar og liknande i 1999, ein auke på 6,7 prosent frå 1998. Beløpet omfattar utbetalingar frå folketrygda, som til dømes alders- og uførepensjon, og ulike utbetalingar av pensjonar utanom folketrygda. Totalt var det vel 1 395 000 personer som tok imot pensjonar og liknande, ein auke på 18 700 personar frå 1998.

Tabeller:

• Tabell 1 Talet på personar, sum og gjennomsnittleg innrapportert beløp. Heile landet. 1998 og 1999
• Tabell 2 Lønn, honorar med vidare, etter institusjonell sektor. Samla beløp i millionar kroner. Endring i prosent. 1998 og 1999
• Tabell 3 Lønn, honorar med vidare, etter næringshovudområde. Samla beløp i millionar kroner. Endring i prosent. 1998 og 1999
• Tabell 4 Lønn, honorar med vidare, etter kjønn og beløpsintervall. Heile landet. 1998 og 1999
• Tabell 5 Lønn, honorar med vidare, etter alder og kjønn. Sum og gjennomsnittleg innrapportert beløp. Heile landet. 1998 og 1999
• Tabell 6 Dagpengar ved arbeidsløyse, etter kjønn og beløpsintervall. Sum og gjennomsnittleg innrapportert beløp. Heile landet. 1998 og 1999
• Tabell 7 Dagpengar ved arbeidsløyse, etter alder. Sum og gjennomsnittleg innrapportert beløp. Heile landet. 1998 og 1999
• Tabell 8 Lønn, honorar med vidare og dagpengar ved arbeidsløyse, etter region. Talet på personar, sum og gjennomsnittleg innrapportert beløp. 1998 og 1999