Sysselsette i kommunal sektor, 2012, førebelse tal, 4. kvartal

Føremålet med registerbasert statistikk over sysselsette i kommunane er å gje informasjon om struktur og utvikling i sysselsetjinga bland tilsette i kommunane og fylkeskommunane. Statistikken som viser sysselsetjinga i kommunane og fylkeskommunane inkludert interkommunal verksemd vart fyrste gong publisert saman med KOSTRA i 2007, med tal for 2005 og 2006.

Kommunar, fylke, Helsedirektoratet, Helse- og omsorgsdepartementet, Arbeidsdepartementet, Kommunal- og regionaldepartementet og intresseorganisasjonar er viktige brukarar. Statistikkgrunnlaget blir brukt i KOSTRA

SSB publiserer og totale sysselsettingstall for kommune og fylkeskommune i kvartalsvis Nasjonalregnskap (KNR).

Talet på sysselsette personar vil vere høgare enn i KNR, fordi KNR berre inkluderar dei som har hovudarbeidet sitt i kommune/fylkeskommune. I registertala er alle med hovud- eller biarbeid inkluderte. Tala i registeret for avtalte årsverk er og høgare enn KNR sine tal for normalårsverk. Her tek KNR omsyn til ekstraarbeid. Når det likevel er nokre forskjellar i tala skyldast dette mest sannsynleg at systema for berekning er ulike. I KNR er eit normalårsverk rekna ut ved å dividere lønsummane med eit tal for gjennomsnittleg årsløn per heiltidsekvivalent i kommune /fylkeskommune For båe kjelder er tala førebelse.

§3-2 i Statistikkloven (administrative register)

Ikkje relevant

Populasjonen i statistikken er alle personar som er sysselsette i kommunane og fylkeskommunane. Eit unntak er tabellane for tilsette i pleie og omsorgstenestene. Her er og tilsette i private veksemder inkluderte. Statistikken gjeld og utlendingar med kortvarig opphald i Noreg. Observasjonseininga er person og statistikkgrunnlaget inneheld alle arbeidsforhold ein person har.

Totaltala omfattar all sysselsetjing i verksemdene som er med i rekneskapen for kommunane og fylkeskommunane. Sysselsette i Oslo kommune er registrerte slik at sysselsette i tannhelseteneste og vidaregåande opplæring er grupperte som "fylkeskommune" medan øvrige kommunale tenester er grupperte saman med "kommune"

Skiljet mellom kommune - kommunekonsern og fylkeskommune - fylkeskonsern er at det som høyrer under kommune-/fylkeskasse blir rekna inn i det som er omtala som kommune/fylkeskommune. I tala for konsern reknar ein i tillegg med kommunen sin del av interkommunale selskap (IKS) og andre kommunale/fylkeskommunale føretak, til dømes kommunale føretak (KF) og fylkeskommunale føretak (FKF) som leverer eigne rekneskapar. I dei interkommunale selskapa (IKS) er dei sysselsette og årsverka delte etter eigardelane som er registrerte i Einingsregisteret.

Data for statistikken er bygd på fleire ulike register. Hovudkjeldene til opplysingar om utdanning for helse- og sosialpersonell er helsepersonellregisteret til Helsedirektoratet og Nasjonal utdanningsdatabase (NUDB). Informasjonen om lønstakarar er henta frå arbeidstakarregisteret til NAV, løns- og trekkoppgåveregisteret som er administrert av Skattedirektoratet, samt fastlegeregisteret frå NAV og lønsregister over kommunalt tilsette (PAI).

Einingsregisteret og Verksemd- og føretaksregisteret gjev opplysingar om næring, sektor og adresse for verksemdene (arbeidsstadene). I tillegg kjem informasjon frå NAV sine register for foreldrepengar, samt SSB sitt register over legemeldt sjukefråvære.

Fullteljing av alle arbeidsforhold

Talgrunnlaget for den endelege statistikken i juni er bygd på fleire ulike register. Informasjonen om lønstakarar er henta frå arbeidstakarregisteret til NAV, løns- og trekkoppgåveregisteret som er administrert av Skattedirektoratet, samt fastlegeregisteret frå NAV og lønsregister over kommunalt tilsette (PAI).

Til publiseringa i mars er berre registra frå NAV tilgjengelege. Dei førebelse tala i mars er ikkje reviderte, og feil i datagrunnlaget kan førekomme. For einskilde kommunar kan utslaget være betydeleg.

Helsedirektoratet sitt helsepersonellregister (HPR) : Helsepersonellregisteret gjev oversikt over alt helse- og sosialpersonell som har fått autorisasjon til å utøve yrket sitt. Statistisk sentralbyrå (SSB) tek i mot status pr. 3. uke i november for alle personar som er autoriserte. HPR inneheld ikkje alle helse- og sosialutdanningar, berre utdanningar med krav til autorisasjon. Personar med helse- og sosialutdanning som ikkje har søkt om slik autorisasjon, vil ikkje være med i dette registeret. HPR kan og innehalde personar som har fått autorisasjon i Noreg, men som ikkje bur eller er i landet på referansetidspunktet.

Nasjonal utdanningsdatabase (NUDB) : Frå 2006 har ein brukt Nasjonal utdanningsdatabase (NUDB) til å trekkje ut personar med helse- og sosialfagleg utdanning. Denne databasen inneheld alle utdanningar ein person har teke ved norske lærestader. Intern opplering i verksemdene er ikkje med i dette registeret. Vi bruker NUDB frå året før statistikkåret, pga. lang produksjonstid på registeret.

Arbeidstakarregisteret : SSB tek kvar veke i mot filer med endringsmeldingar til arbeidstakarregisteret frå NAV. I tillegg gjer ein eit totaluttak årleg.

Løn- og trekkoppgåveregisteret : Opplysingane frå Skattedirektoratet sitt løn- og trekkoppgåveregister baserar seg på eit førebels uttrekk i mars.

Sjølvmeldingsregisteret : SSB hentar årleg inn eit uttrekk av datamaterialet frå Skattedirektoratet.

Einingsregisteret: Variablane knytte til verksemd som næring og arbeidsstadkommune vert henta frå Einingsregisteret.

Kontroll og revisjon av dei tre mest sentrale registra skjer på følgjande måte: NAV gjennomfører årleg ein årskontroll av arbeidstakarregisteret. SSB kontrollerar at føretak med fleire verksemder har nummer for kvar verksemd, samt at arbeidstakarar er knytte til riktig verksemd.

Sysselsette er definert som personar som utførte inntektsgjevande arbeid av minst éin times varighet i referanseveka, samt personar som har eit slikt arbeid, men som var midlertidig fråverande pga. sjukdom, ferie, lønna permisjon e.l. Personar som er inne til førstegangs militær- eller sivilteeneste vert rekkna som sysselsette. Personer på sysselsettingstiltak med løn frå arbeidsgjevar vart og rekna som sysselsette.

Avtalte årsverk er berekna ved å måle avtalt arbeidstid i veka i forhold til vanleg heiltid(37,5 timer pr uke). Ein tek utgangspunkt i avtalt arbeidstid på referansetidspunktet som er tredje veke i november (4.kvartal) og antar et han er representativ for heile året. For tilsette i næringane innanfor helse- og sosialtenester som har helse- og sosialfagleg utdanning, er vanleg heil stilling satt til mellom 33 og 40 timer for å ta omsyn til at vanleg heil stilling i desse gruppene kan vere lågare enn 37,5 timer pr veke, til dømes ved turnus og skiftordninger.

Avtalte årsverk eksklusive lange fravær er beregnet som summen av heiltidsjobbar (arbeidsforhold) og deltidsjobbar rekna om til heiltidsjobbar. Årsverk tapt på grunn av legemeld sjukefråvær og foreldrepermisjon er trukke frå. Talet på avtalte årsverk eksklusive lange fråvær vil ikkje være identisk med dei faktisk utførte årsverka sidan statistikken ikkje fanger opp overtids, eigenmeld sjukefråvær, ferie og andre avvik frå avtalt arbeidstid, utover legemeld sjukefråvær og foreldrepermisjonar.

Tal blir ikkje gjord offentleg dersom dei gjev opplysingar om enkeltpersonar slik at dei blir gjenkjent.

Overgangen til bruk av NUDB som kjelde for opplysingar om utdanning (frå 2006) førte til at ein fekk med fleire personar med fullført helse- og sosialfagleg utdanning enn tidligare år, og då særskilt for dei gruppene som ikkje har krav om autorisasjon, til dømes sosionomar og barnevernspedagogar.

Sysselsette: Personar som utførte inntektsgjavande arbeid av minst ein times varighet per 4. kvartal, samt personar som har slikt arbeid, men som var fråverandre på grunn av sjukdom, ferie, lønna permisjon osb. Tala gjeld alle tilsette i kommunar/fylker, og dei som berre har ekstraarbeid her.

Avtalte årsverk: Tilsette i referanseveka der den avtalte arbeidstida for veka er rekna om til heiltid. Storleiken er av formidlingsomsyn beskrive som årsverk, sjølv om han berre gjeld ei veke og referanseveka ikkje kan seiest å vere representativ for heile kalenderåret.

Fråvere målt i årsverk, dvs. legemeldt sjukefråvere og foreldrepermisjon

Avtalte årsverk eksklusive lange fråver: Avtalte årsverk korrigert for tapte årsverk på grunn av legemeldt sjukefråvære og fødselspermisjon

Næring er frå statistikkåret 2009 koda etter Standard for næringsgruppering (SN2007) (NOS D 383). Den registerbaserte sysselsettingsstatistikken nyttar kommuneinndelinga som gjeld i publiseringsåret