Godstransport på vei, prisindeks, 2. kvartal 2006

Totalindeksen viser ei jamn utvikling, utan dei store sesongvariasjonane. I løpet av 2005 auka prisane med 2,7 prosent. Det går førebels mot ein større auke i 2006, og hittil i år har prisane vakse med 3,8 prosent. Den største kvartalsvise veksten var på 1,6 prosent frå 2. til 3. kvartal i år.

Indeksen viser prisutviklinga totalt i næringa samt utviklinga for transport av seks ulike frakttypar. Frakt av stykkgods/containergods har hatt den største prisveksten sidan 4. kvartal 2004, med ein auke på over 7 prosent. Delindeksen for oljeprodukt viser dei tydelegaste teikna til eit sesongmønster med prisjusteringar frå 2. til 3. kvartal kvart år.

Ny indeks

Totalindeksen er sett saman av seks delindeksar. Delindeksane viser prisutviklinga for transport av følgjande vareslag: Fryste eller kjølte varer, oljeprodukt, andre væsker eller gassar i bulk, stykkgods/containergods, tørrgods i bulk og annan transport.

For å setje saman delindeksane til totalindeksen vert omsetnaden i næringa fordelt på frakttypar nytta som vektgrunnlag. Av frakttypane er det stykkgods/containergods som står for den største delen av omsetnaden i næringa, med nesten 45 prosent. Andre væsker og/eller gassar i bulk er den minste frakttypen med 2,4 prosent av den totale omsetnaden.

Tabeller:

• Tabell 1 Godstransport på veg, prisindeks 4. kvartal 2004-3. kvartal 2006. 2005=100