![[Forrige artikkel]](/ukens_statistikk/gifs/previous.gif)
![[Innholdsfortegnelse]](/ukens_statistikk/gifs/up.gif)
![[Neste artikkel]](/ukens_statistikk/gifs/next.gif)
|
|
|
I perioden frå februar 1997 til februar 1998 auka dei totale materialkostnadene med 2,7 prosent. Auken var størst for bustadblokker, med 3 prosent. Materialkostnadene for rekkjehus og einebustader gjekk opp med 2,9 og 2,5 prosent i dette tidsrommet.
Frå januar til februar 1998 var det små endringar i byggjekostnadene. Dei totale materialkostnadene gjekk opp med 0,4 prosent, medan auken for dei totale byggjekostnadene berre var på 0,2 prosent.
Frå februar 1997 til februar 1998 steig dei totale byggjekostnadene med 2,2 prosent. Størst var auken for rekkjehus, med 2,4 prosent, medan byggjekostnadene for bustadblokker og einebustader gjekk opp med 2,3 og 2,2 prosent.
Om statistikken
Byggjekostnadsindeksane måler prisutviklinga til innsatsfaktorane ved bygging
av bustader. Indeksane vert og kalla faktorprisindeksar eller
«input»-prisindeksar. Byggjekostnadene vert ikkje påverka av endra
produktivitet eller endringar i byggmeisteren, entreprenøren eller
installatøren sine fortenestemarginar. Grunnlaget for utrekninga er eit utval
på 180 representantvarer. I tillegg vert ein del prisar henta frå andre
prisstatistikkar som Statistisk sentralbyrå produserer.
Oppgåver til utrekning av indeksane vert innhenta frå eit utval på 320 bedrifter. Dei månadlege utrekningane byggjer på om lag 3 600 prisobservasjonar. Svarprosenten er normalt på 99.
Totalindeksen for byggjekostnader er sett saman av dei tre indeksane for einebustader, rekkjehus og bustadblokker. Vektene som vert nytta er kvadratmeter bruksareal for bustader sett i gang multiplisert med gjennomsnittleg pris i kroner per kvadratmeter bruksareal. Vektene vert endra kvart år.