Obligasjonar og sertifikat, 4. kvartal 2012

Bidra med tal til nasjonalregnskapen og til tilsyn med kredittmarknaden samt publisere aktuell statistikk over verdipapirmarknaden. Det finst tal for beløp tilbake til 1899 for ihendehavarobligasjonsgjelda. For emisjonar av obligasjonar finst det tal for beløp frå 1914. Nominell rente på obligasjonar finst tilbake til år 1900. For sertifikatgjeld og emisjonar av sertifikat finst det tal for beløp tilbake til 1985. For emisjonar i utlandet utførte av innanlandske låntakarar finst det tal for beløp tilbake til 1988. T.o.m. 2006 blei det kun publisert opplysningar om beløp. F.o.m. 2007 vart statistikken lagt ut i eit nytt oppsett der det også blir gitt opplysningar om talet på emisjonar som følgje av at statistikken vart samordna med Noregs Banks statistikk "Verdipapirer, emisjonsstatistikk for obligasjoner og sertifikater". Samtidig vart Noregs Banks publisering av sistnemde statistikk ikkje lengre publisert. Det finst opplysningar om talet på emisjonar av obligasjonar og sertifikat i Noreg frå 1998 og talet på emisjonar i utlandet frå 2001.

Verdipapirmarknadsstatistikk, kredittmarknadsstatistikk, kredittindikatorar og nasjonalrekneskapen.

Tilpassa til anbefalingar i nasjonalrekneskapen.

Statistikkloven § 2-2

Rettsakt 2223/96

Kvart kvartal blir det gitt ei oversikt over talet på emisjonar og emitterte beløp og uteståande gjeld for alle VPS-registrerte obligasjonar og sertifikat skrivne ut i Noreg av norske og utanlandske låntakarar. Det blir og gitt ei oversikt over tal og beløp for emisjonar i utlandet som norske låntakarar har. Denne oversikta gjeld emisjonar i utlandet om er rapporterte til Statistisk sentralbyrå.

Årsstatistikken for obligasjonar inneheld sektorfordelte tabellar med informasjon om årlege emisjonar, avdrag og uteståande gjeld, samt gjennomsnittleg nominell rente på emisjonar og uteståande gjeld. Vidare inneheld han ein tiårig serie over uteståande obligasjonsgjeld til pålydande og marknadsverdi samt ein tiårig serie over emisjonar. I tillegg blir det offentleggjort ein årleg oversikt over alle uteståande enkeltlån med informasjon om verdipapirnummeret på lånet, namnet og sektoren til låntakaren, rente, utskrivings- og innfriingår, garantitype og opplysningar om lånet er konvertibelt.

Innanlandske låneopptak: Verdipapirsentralen (VPS).

Verdipapirlån tatt opp av innlendinger i utlandet: Skjema RA-0622 med opplysningar frå emittentane til Statistisk sentralbyrå.

Markeds- og transaksjonskursinformasjon frå Oslo Børs.

Valutakursinformasjon frå Noregs Bank.

Statistikken er basert på ei totalteljing,

Uttrekk frå data frå Verdipapirsentralen blir overførte elektronisk til SSB. I tillegg får vi oversikter frå emittentar på eit skjema RA-0622 om obligasjonar og sertifikat som blir ferda ut i utlandet av norske låntakarar.

Opplysningar frå VPS og emittenter om obligasjonar og sertifikat og uteståande gjeld blir kontrollerte mot opplysningar frå bedrifts- og føretaksregisteret. Opplysningar om lån i utlandet blir også kontrollerte mot data rapporterte til BIS og andre internasjonale registre. Uteståande gjeld blir dessutan avstemt mot opplysningar om uteståande gjeld i ulike rekneskapsstatistikkar i SSB.

Data for nye periodar kontrolleres og på papirnivå (ISIN) mot data for tidlegare periodar.Data vert reviderte bakover i tid og publiseres saman med data for den nye statistikkperioden.

Det blir gjort berekningar av gjennomsnittlege nominelle rentesatsar på uteståande gjeld ved å vekte med uteståande gjeld og å bruke nominell rente per 31.12. Tilsvarande blir det berekna ein vekta gjennomsnittleg emisjonsrente med opprinneleg rente på emisjonstidspunktet.

Data blir behandla etter standard reglar for konfidensialitet.

Endringar i lovverk, regelverk for registreringsplikt i VPS, innføring av nye definisjons- og klassifikasjonsstandarder og tilgang til nye opplysningar kan gje brot i tidsseriar.

Den periodiske fordelinga av beløp i statistikkbanken t.o.m. 2006 er basert på opplysningar om tidspunktet for når lån er blitt godkjende. Den periodiske fordelinga av beløp i perioden 2007 - 2010 er basert på ein kombinasjon av opplysningar om tidspunkt for fyrste rentedato og datoen då lånet byrjer å løpe. Den periodiske fordelinga av beløp frå og med 2011 er basert på opplysningar om oppgjersdato for emisjonane.

Innføring av nye sektorar frå 2012 gjer eit et brot i tabellane som høyrer til statistikken.

Ein av dei viktigaste endringane i den nye sektorgrupperinga er at avgrensinga mellom finansiell og ikkje-finansiell sektor vart endra slik at finansiell sektor auka i omfang. I tillegg vart det etablert nokre nye finansielle sektorar, mellom anna investeringsselskap og aktive eigarfond/PE-fond og finansielle holdingselskap.

Det er publisert nye statistikkbank- og publiseringstabellar med statistikk som følgjer ny sektorgruppering frå første kvartal 2012 og framover. Eldre statistikkbanktabellar, som har tall etter gammal sektorfordeling, inneheld tall til og med første kvartal 2012.

Obligasjonslån er langsiktige lån (løpetid vanlegvis over eitt år) som utan samtykke frå låntakaren kan delast på fleire långivarar i form av standardiserte partialobligasjonar. Ein obligasjon er eit fritt omsetjeleg verdipapir. Partialobligasjonar lagde ut i Noreg omfattar mellom anna statsobligasjonar, premieobligasjonar, kommunale og fylkeskommunale obligasjonar og andre obligasjonar skrivne ut til ihendehavar, medrekna obligasjonar lagde ut i Noreg av utlendingar.

Sertifikatlån er eit kortsiktig lån med løpetid inntil eitt år.

Avdrag på obligasjonslån er innløysing av obligasjonar. Oppkjøp av eigne obligasjonar for seinare sal eller amortisering er ikkje avdrag.

Utskrivar er den institusjonelle eininga som tek opp lånet og fører det inn i balansen sin (opprinneleg låntakar). Den institusjonelle eininga er ikkje alltid ein eigen juridisk person.

Låntakaren er den institusjonelle eininga som fører lånet i balansen sin. Ved fusjonar, fisjonar og konkursar etc. kan dette vere ein annan enn utskrivaren.

Emisjon er nyteikning av lån.

Med sektor meiner vi institusjonell sektor som kassifiserer institusjonelle einingar i ulike sektorar etter bestemte reglar. Fram til 2012 vart det nytta ein tresifra institusjonell sektorgruppering som bygde på FNs "A System og National Accounts" (SNA) frå 1993 og European System of Accounts´´ (ESA 95). Frå og med 2012 nyttes ein firesifra kode som møter krava til institusjonell sektorgruppering i EUs nasjonalregnskapsstandard (ESA).

Renta på emisjonar er opprinneleg nominell rente på emisjonstidspunktet, mens renta på uteståande gjeld er nominell rente per 31.12.

Obligasjonar og sertifikat blir skilde i statistikken på grunnlag av CFI-koden, se under for detaljar, som alle lån får. VPS er ansvarleg for denne tildelinga.

Obligasjons- og sertifikatgjeld til marknadsverdi bereknes ved å nytte markedskursen som er best tilgjengeleg. For børsnoterte obligasjonar og sertifikat vil dette vere den siste omsetningskursen frå Oslo Børs i ein gitt periode. For ikkje-børsnoterte obligasjonar og sertifikat nyttes i prioritert rekkjefølge siste kurs som var tilgjengeleg for transaksjonen, likningskursen og den pålydande kursen. Observerte transaksjonskursar vart nytta for å berekne marknadsverdien fori ikkje-børsnoterte obligasjonar og seritfikat frå og med 4. kvartal 2006 der hvor slike kursar var tilgjengeleg for ein aktuell transaksjon.

Verdien på t ransaksjonane byggjer på dei faktiske handelsbeløpa som er registrerte i VPS, eller berekna handelsbeløp hvis handelsbeløp ikkje vert oppgitt. Når handelsbeløp blir berekna, nyttes markedskursen som er mest tilgjengeleg på handletidspunktet for transaksjonen. Børskursar nyttes til børsnoterte obligasjonar og sertifikat. For ikke-børsnoterte obligasjonar og sertifikat nyttes høvesvis, i prioritert rekkjefølgje, transaksjonskurs (frå og med 4. kvartal 2006), likningskurs eller pålydande kurs.

Sektor- og næringsinndelingen fra Enhetsregisteret i Brønnøysund nyttes tilr sektorisering og næringsfordeling av både eigare- og utstedarar. Denne sektor- og næringsinndelinga byggjer på dei internasjonale krava i SNA2008/ESA2010 og NACE Rev.2.

Frå og med januar 2012 blei ny standard for sektorgruppering implementert i statistikken.

Verdipapirnummer er det individuelle, unike kjennemerket på lånet. Alle lån får eit verdipapirnummer, medrekna ISIN-nummer i VPS. Dette nummeret følgjer ein internasjonal standard, ISO 6166:2001, for tildeling av registreringsnummer på verdipapir.

CFI er ei forkorting for Classification of Financial Instruments og følgjer standarden ISO 10962:2001. CFI-koden avgjer om lånet er eit sertifikat eller ein obligasjon og inneheld dessutan informasjon om detaljar ved lånet som om det er konvertibelt samt rente- og garantivilkår.