Innhald
Publisert:
Du er inne i ei arkivert publisering.
Ein halv million tapte arbeidsdagar
Ein halv million arbeidsdagar gjekk tapt som følgje av arbeidskonfliktar i 2010. Vi må attende til 1996 for å finne eit tilsvarande tal på tapte arbeidsdagar.
I underkant av 67 000 arbeidstakarar i tolv arbeidskonfliktar var omfatta av desse konfliktane i 2010. Ved førre hovudoppgjer, i 2008, var det til samanlikning 10 arbeidskonfliktar med om lag 13 000 arbeidstakarar involvert. I løpet av konfliktane i 2008 gjekk nær 62 600 arbeidsdagar tapt.
Det var flest tapte arbeidsdagar i helse- og sosialtenester. Her var 28 800 arbeidstakarar involverte, og det gjekk tapt 276 000 arbeidsdagar, eller 55 prosent av alle tapte arbeidsdagar dette året. I undervisning og byggje- og anleggssektoren var det også omfattande konfliktar, med høvesvis om lag 111 000 og 59 000 tapte arbeidsdagar.
I år med hovudoppgjer, slik som i 2010, er det som regel fleire tapte arbeidsdagar enn i år med mellomoppgjer. Det er hovudoppgjer annakvart år, noko som for dei fleste tariffområda vil seie at det blir inngått toårige tariffavtalar. I år med mellomoppgjer skjer det ein revisjon av dei avtalane som er inngått i hovudoppgjeret. Dette forklarer ein del av dei store endringane i statistikken frå år til år.
Om statistikkgrunnlagetStatistikken omfattar arbeidskonfliktar både i form av streik og lockout som varer minst ein dag. Oppgåvene vert innhenta frå arbeidsgjevar- og arbeidstakarorganisasjonane. |
Tabeller:
Statistikken blir no publisert som Fagforeiningsmedlemmer og streikar.
Tilleggsinformasjon
Statistikken omfattar arbeidskonfliktar og arbeidsstogg som varar i minst ein dag. Det årlege konflikttalet blir rekna ut frå talet på forbund som hadde arbeidstakarar i ein arbeidskonflikt.
Kontakt
-
SSBs informasjonstjeneste
E-post: informasjon@ssb.no
tlf.: 21 09 46 42