Nøkkeltal for arbeid og lønn
Statistikken syner mellom anna endringar i lønsnivå og sysselsetjing i Noreg, og kan tene som grunnlag for forsking og utgreiing, utarbeiding av prognosar og vurderingar av politiske tiltak.
| Prosent | Endring i prosentpoeng frå perioden før | Endring i prosentpoeng frå 5 år før | Periode | |
|---|---|---|---|---|
| Arbeidsstyrken i prosent av befolkninga | 71,3 | 0,0 | -2,1 | Februar 2013 |
| Sysselsette i prosent av befolkninga | 68,8 | 0,0 | -2,8 | Februar 2013 |
| Arbeidslause i prosent av arbeidsstyrken | 3,5 | 0,0 | 1,0 | Februar 2013 |
| Sjukefråværet i prosent av avtalte dagsverk | 6,65 | 0,2 | -0,3 | 4. kvartal 2012 |
| Kroner | Endring i % frå perioden før | Endring i % frå 2 år før | Periode | |
|---|---|---|---|---|
| Månedslønn | 39 600 | 3,9 | 7,9 | 2012 |
| Månedslønn ansette i offentleg sektor | 39 000 | 5,4 | 8,9 | 2012 |
| Månedslønn ansette i privat sektor | 39 800 | 3,1 | 7,3 | 2012 |
| Årslønn alle tilsette | 470 900 | 4,0 | 8,2 | 2012 |
Arbeid og arbeidsløyse
Hovedkjeldene for arbeidsmarknadsstatistikken er den utvalsbaserte Arbeidskraftundersøkinga (AKU) og data frå administrative register. AKU er basert på internasjonale retningsliner og inneheld ei lang rekke kjennemerker og dekkjer både sysselsetjing, undersysselsetjing og arbeidsløyse. Registerbaserte data gir tal for sysselsette på meir detaljert nivå enn AKU, mellom anna geografisk.
I tillegg til desse to hovedkjeldene er det eigne statistikkar for sjukefråvær og ledige stillingar.
Nasjonalrekneskapen gir tal for sysselsetjing og timeverk/årsverk ved å utnytte fleire av statistikkjeldene på dette feltet, stilt saman med andre økonomiske data.
Lønn
I lønnstatistikken presenterast årleg ein oversikt med detaljerte opplysningar om gjennomsnittleg månadslønn fordelt på næring, funksjon (yrke), kjønn, alder, og utdanning.
Lønnsstatistikken består også av kvartalsvise konjunkturstatistikkar , som har til formål å syne lønnsutviklinga mellom to årlege statistikkar. Lønnstatistikken supplerast med ein statistikk som gir ein oversikt over arbeidsgjevaranes samla arbeidskraftskostnader .
Kvar kjem tala frå?
- Spørjeundersøkingar, til dømes Arbeidskraftundersøkinga (AKU) som blir utført av Statistisk sentralbyrå sjølv.
- Bruk av dataregister frå offentlege etatar, til dømes NAV sitt arbeidstakarregister og register over arbeidslause.
- Sjukefråværet reknast ut både frå legemeldingar og skjema frå arbeidsgjevarar over eigenmeldt sjukefråvær.
