18,5 millionar bøker og tidsskrifter

Fag- og forskingsbiblioteka hadde til saman ein bokbestand på 18,5 millionar bind ved utgangen av 1998, fordelte på 397 registrerte bibliotekeiningar.

Biblioteka ved universiteta og dei vitskapelege høgskolane hadde nær halvparten av den totale bokbestanden. Dei offentlege spesialbiblioteka hadde 20 prosent og nasjonalbiblioteka og biblioteka ved dei statlege høgskolane hadde om lag 15 prosent kvar. Dei private spesialbiblioteka hadde 4 prosent av den totale bokbestanden.

Om lag 3,8 millionar utlån vart utførte ved fag- og forskingsbiblioteka i 1998. Av dette var drygt 500 000 fjernlån. Fjernlån er lån mellom biblioteksystema under ulike administrative einingar.

Utgiftene for 1998 synte at biblioteka i alt brukte drygt 197 millionar kroner til innkjøp (akkvisisjon) av materiale til samlingane. Biblioteka ved universiteta og dei vitskapelege høgskolane stod for nær halvparten av dette. Det vart i alt kjøpt inn i overkant av 540 000 nye bøker og tidsskrifter i 1998.

Det var i 1998 registrert vel 1 950 tilsette ved fag- og forskingsbiblioteka. Halvparten av desse var i bibliotekfaglege stillingar. Det totale talet på utførte årsverk var på drygt 1 650.

Om statistikken

Statistikken for fag- og forskingsbibliotek er utarbeidd av Statistisk sentralbyrå, og vert samla inn i samarbeid med Riksbibliotektenesta.

Figur 4: Fag- og forskingsbibliotek. Talet på bøker og tidsskrifter. 1998. Prosent

Ny statistikk
Kulturstatistikk. Fag- og forskings-bibliotek, 1998.
Statistikken kjem ut kvart år i Ukens statistikk. Meir informasjon: Vera.Thrane@ssb.no, tlf. 62 88 52 57, eller Thorstein.Ouren@ssb.no, tlf. 62 88 52 71.

Tabeller

Ukens statistikk nr. 21, 1999 [an error occurred while processing this directive]