[Forrige artikkel] [Innholdsfortegnelse] [Neste artikkel]

Ukens statistikk nr. 27, 1997

Norske museum og samlingar, 1996:

Fleire besøk ved museum og samlingar


8,84 millionar menneske besøkte norske museum og samlingar i 1996. Dette er ein auke på knapt 40 000 samanlikna med 1995 og 175 000 fleire enn i 1994.
Det vart registrert 4,8 millionar betalande besøkjande i 1996. Dette utgjer knapt 55 prosent av alle besøkjande. Nær halvparten, eller 49 prosent av dei besøkjande var enkeltbesøk.

Norske museum og samlingar hadde meir enn 5 000 verneverdige bygningar og nær 22 millionar ulike gjenstandar/inventarnummer. Av desse var meir enn 10 millionar naturhistoriske. I 1996 vart det registert nær 800000 nye gjenstandar/inventarnummer ved institusjonane.

Musea hadde i alt 1,21 milliardar kroner i utgifter. Samla inntekter var 1,23 milliardar kroner. Av dette var 66 prosent, eller 811 millionar offentlege løyvingar.

Det vart utført 3 250 årsverk ved musea i 1996. Av desse var 3 000 lønna årsverk. Institusjonane hadde i alt 5 900 tilsette. Av desse var drøye 3 900 deltids- eller sesongtilsette.

Om statistikken
Statistikken for norske museum og samlingar 1996 omfattar opplysningar som er gitt av i alt 552 institusjonar. Statistikken inneheld opplysningar om samlingar, besøk, utstillingar, tilsette og økonomi. Svarprosenten har vore jamn dei seinaste tre åra. Låg svarprosent tidlegare gjer at tal ikkje er samanliknbare lenger tilbake enn til 1994.

[Figur 6]

Figur 6: Norske museum og samlingar, 1996. Tal på museum, etter type


[Figur 7]

Figur 7: Norske museum og samlingar. Tal på besøkjande i alt. 1994-1996


Ny statistikk

Norske museum og samlingar, 1996.
Statistikken kjem ut kvart år i Ukens statistikk. Meir informasjon: Thorstein Ouren, tlf. 62 88 52 71, e-post: tou@ssb.no eller Vera Thrane, tlf. 62 88 52 57, e-post: vet@ssb.no.

Tabellar

Ukens statistikk nr. 27, 1997