Innhald
Fleire deltakarar på kortkurs
I 2012 tok 18 700 deltakarar ulike kortkurs ved folkehøgskolane. Dette er ein auke frå året før på 1 000 deltakarar, eller 5,5 prosent. Deltakinga er dominert av kvinner, som utgjer 61 prosent. Av kvinnene er over halvparten 50 år eller eldre.
| Antall | Prosent | ||
|---|---|---|---|
| 2012 | 2011 - 2012 | 2009 - 2012 | |
| I alt | 18 703 | 5,5 | -0,4 |
| Menn | |||
| 19 år eller yngre | 568 | 2,7 | -29,2 |
| 20-29 år | 944 | -0,8 | -8,1 |
| 30-39 år | 585 | -2,2 | -14,5 |
| 40-49 år | 946 | 12,2 | 1,1 |
| 50 år eller eldre | 4 256 | 8,1 | 9,7 |
| Kvinner | |||
| 19 år eller yngre | 747 | -1,3 | -30,0 |
| 20-29 år | 1 358 | 15,4 | 3,7 |
| 30-39 år | 1 004 | 10,1 | -13,8 |
| 40-49 år | 1 763 | 4,0 | -8,1 |
| 50 år eller eldre | 6 532 | 3,7 | -4,2 |
Estetiske fag og handverksfag er framleis dei mest populære emna og samla i alt 7 200 deltakarar i 2012. Av desse var 40 prosent kvinner over 50 år. Det er berre i emna naturbruk, økologi, miljøvern- og friluftslivsfag samt samferdsels- og kommunikasjonsfag at prosentdelen for menn er størst, 53 prosent respektive 78 prosent. Helse-, sosial- og idrettsfag samla 3 200 deltakarar, mens samfunnsfag hadde ein nedgang på 15 prosent frå året før.
Talet på utanlandske deltakarar har gått opp med 100 det siste året, til 1 100 deltakarar. Deltakarar frå Sverige stod for den største auken, frå 140 elevar i 2011 til 280 elevar i 2012. Elles var Danmark og Russland, likesom året før, dei landa som hadde flest deltakarar utanom Noreg.
Ser ein på skolefylke, toppa folkehøgskolane som ligg i Nordland, med over 4 100 kursdeltakarar til saman. Vestfold kom på andre plass med over 2 500 deltakarar. Nedst enda Telemark med berre 200 deltakarar.
Kontakt
-
Rita Aanerud
E-post: rita.aanerud@ssb.no
tlf.: 62 88 53 15
-
Anita Mobekk Johansson
E-post: anita.mobekk.johansson@ssb.no
tlf.: 62 88 54 85
