92252
statistikk
2013-02-11T10:00:00.000Z
Utdanning;Priser og prisindekser
no
barnegenend, Eigenbetaling i barnehagar, endringstal, foreldrebetaling, barnehagesatsar, private barnehagar, offentlege barnehagarBarnehager, Konsumpriser, Priser og prisindekser, Utdanning
true

Statistikk

Gå til statistikkens arkiv

Eigenbetaling i barnehagar, endringstal, 15. januar 2013

Publisert:

Innhald

Stabile barnehagetakstar

Foreldrebetalinga i kommunale og private barnehagar viste ein samla auke på 0,3 prosent frå august 2012 til januar 2013. Det var dei private betalingssatsane som bidrog mest til auken.

Barnehagetakstar. Endring i prosentPublisert 11. februar 2013
Januar 2012 - August 2012 August 2012 - Januar 2013 Januar 2012 - Januar 2013
Kommunale og private barnehagar
Heile landet 0,3 0,3 0,6
 
Kommunale barnehagar
Heile landet 0,0 0,1 0,1
Oslo og Akershus 0,1 0,2 0,3
Hedmark og Oppland 0,3 0,1 0,4
Sør-Østlandet 0,0 0,4 0,4
Agder og Rogaland -0,5 0,0 -0,5
Vestlandet 0,2 0,0 0,2
Trøndelag 0,3 -1,4 -1,2
Nord-Norge 0,2 1,4 1,6
 
Private barnehagar
Heile landet 0,6 0,5 1,1

Kilde: Statistisk sentralbyrå

På landsbasis viste foreldrebetalinga i dei kommunale barnehagane ei endring på 0,1 prosent frå målinga i august 2012 til januarmålinga. Betalingssatsane for barn i private barnehagar gjekk samstundes opp med 0,5 prosent. Dei offentlege barnehagane står for 53 prosent av det totale barnehagetilbodet .

I Nord-Noreg auka betalingssatsane med 1,4 prosent frå den føregåande målinga, medan satsane i regionane Sør-Austlandet samt Oslo og Akershus gjekk opp med høvesvis 0,4 og 0,2 prosent. I Hedmark og Oppland gjekk foreldrebetalinga opp 0,1 prosent frå august i fjor til januar i år, medan det ikkje var noko endring i betalingssatsane for gjennomsnittet av kommunane i Agder/Rogaland og i dei tre nordlegaste Vestlands-fylka. Trøndelag hadde i den same perioden ein prisnedgang på 1,4 prosent. I tillegg til nye satsar for kostpengar og andre ekstrakostnader som skal dekke utflukter og liknande, må endringane sjåast i samanheng med skiftet i betalingssystemet til enkelte kommunar.

Frå januar 2012 til januar 2013 vart det målt ein oppgang i den samla foreldrebetalinga for det kommunale barnehagetilbodet på 0,1 prosent.

MaksimumsprisarÅpne og lesLukk

Maksimalgrensa for foreldrebetalinga, som er sett av Stortinget, er vidareført i 2013 på det same nominelle nivået som i 2012. Sidan 2007 har maksimal­prisen for ein heiltidsplass vore 2 330 kroner per månad, tilsvarande 25 630 kroner på årsbasis.

Tilbakemelding

Fann du det du leita etter?