Bruk av IKT i næringslivet, 2012

Føremålet er å kartleggja bruken av IKT og elektronisk handel i næringslivet. Undersøkinga er basert på internasjonalt samarbeid, og gjev resultat som er internasjonalt samanliknbare. Undersøkinga vart starta opp i 1999. Eurostat har støtta undersøkinga økonomisk.

Eurostat er ein viktig brukar av statistikken. Statistikken vert brukt av Fornyings- og administrasjonsdepartementet, Nærings- og handelsdepartementet, Samferdselsdepartementet, Innovasjon Norge, næringsorganisasjonar, forskingsinstitusjonar, media og internasjonale organisasjonar.

Opplegget for undersøkinga vart fyrst utarbeidd som eit felles nordisk prosjekt. Innhaldet i undersøkinga har såleis vorte samordna med dei andre nordiske landa. F.o.m. 2001 publiserer fleire andre europeiske land, på grunn av eit initiativ frå Eurostat, statistikk om bruken av IKT i næringslivet. Denne undersøkinga er tilpassa innhaldet i opplegget til Eurostat. F.o.m. 2001 har det vorte publisert statistikk som samanliknar bruken av IKT i norsk næringsliv med tilhøva i næringslivet i andre land .

Statistikkloven § 2-1, 2-2, 2-3 og 2-4.

Råds - og parlamentsforordning (EF) nr. 808/2004 for statistikk om informasjonssamfunnet.

Populasjonen for undersøkinga femner føretakene med minst 10 sysselsette i de følgende næringsområdene (SN2007):

C Industri (10-33); D Forsyning av elektrisitet, gass-, damp og varmtvatn (35); E Forsyning av vatn, avløps- og renovasjonsverksemd (36-39); F Byggje- og anleggsverksemd (41-43); G Varehandel, reparasjon av motorvogner (45-47); H Transport og lagring (49-53); I Overnattings- og serveringsverksemd (55-56); J Informasjon og kommunikasjon (58-63); K Finansierings- og forsikringsverksemd (64.19+64.92, 65.1+65.2, 66.12+66.19); L Omsetning og drift av fast eigedom (68); M Fagleg, vitskapleg og teknisk tenesteyting (69-74); N Forretningsmessig tenesteyting (77-82); S Anna tenesteyting (95.1).

Web-skjema og papir spørjeskjema frå uttrekte føretak. Trekkepopulasjonen vert danna frå Bedrifts- og føretaksregisteret til SSB.

Undersøkinga vert trekt blant alle føretak i Bedrifts- og føretaksregisteret med minst 10 sysselsette. Det vert stratifisert etter næring og storleiken til føretaka målt etter sysselsetjing. Mellom føretak med 10-19 sysselsette vert det trekt eit utval på 7,5%, mellom føretak med 20-49 sysselsette vert det trekt eit utval på 15%, mellom føretak med 50-99 sysselsette vert det trekt eit utval på 50%, mellom føretak med 100-249 sysselsette vert det trekt eit utval på 75% og mellom føretak med minst 250 sysselsette vert alle trekt. Dei same utvalsprosentane er nytta innanfor alle dei utvalde næringane.

Data innsamles hovedsaklig via elektronisk spørjeskjema på Internett. Papirskjem benyttast dersom forøtak ikkje har moglegheit til å rapportere elektronisk. Innsende papirskjema vert lesne optisk eller manuelt, medan Web-skjema overførast direkte til ein database. Datainnsamling skjer i løpet av 1. kvartal.

Oppgåvene blir manuelt og maskinelt kontrollert og revidert. Data vert sjekka for summeringsfeil og logisk inkonsistens i ein revisjonsapplikasjon.

Undersøkinga byggjer på ei inndeling av føretaka etter næringsgrupper, antall sysselsette, støresle av omsetning

Tala skal representera bruken av IKT både i næringslivet samla og innanfor dei einskilde næringane, sysselsetjingsgruppene. Datamaterialet vert difor blåst opp (vekta). Målet med vektinga er å blåsa opp einingane i utvalet slik at eigenskapane til utvalet etter fråfall samsvarer mest mogleg med populasjonen. Vektene er basert på tilhøvet mellom trekkpopulasjonen og utvalet innanfor kvar einskild gruppe eller stratum og tek omsyn til eventuelle skeivfordelingar i fråfallet.

Bruk av innsamla data frå oppgåvegjevarar skjer i samsvar med krav stilt av Statistikklovas føresegn. Opplysningane blir tatt vare på på ein forsvarleg måte. Det er ikkje mogleg å identifisera føretakssensitiv informasjon ut i frå statistikken.

For dei viktigaste variablane finst det ubrotne seriar frå 1998. Statistikken vart produsert fyrste gongen i 1999. For 1998, 1999, 2000 og 2001 var undersøkingstidspunktet november/desember i referanseåret. Sidan Eurostat kravde ei endring av undersøkingstidspunktet, måtte utsending av skjema skuvast fram i tid f.o.m. 2002/2003. Undersøkingstidpunktet av IKT-bruk i næringslivet har såleis vorte endra til januar i referanseåret f.o.m. 2002/2003.

Informasjonsteknologi

Informasjonsteknolgi (IT) er eit omgrep som omfattar teknologi for innsamling, lagring, behandling og presentasjon av informasjon.

IKT-tryggleikstiltak

IKT-tryggleikstiltak er tiltak for å verna informasjon frå tjuveri eller øydelegging, eller for å sikra ein stabil tilgang til informasjon.

Digital signatur

Ein digital signatur er elektronisk informasjon juridisk likeverdig med ein skriftleg signatur vedlagt eller tilknytta ein kontrakt eller ei anna melding.

LAN (lokalt nettverk)

Eit lokalt nettverk (local area network) er eit datanettverk som er geografisk avgrensa, for eksempel innan ein bustad, eit kontor eller ei lita gruppe bygninger. Den geografiske avgrensinga består ofte i at nettverket er avgrensa til eitt firma eller eitt hus.

Heimeside

Ei heimeside er ein presentasjon på Internett. Ein slik presentasjon inneheld gjerne informasjon om ein person eller ei bedrift. Ei heimeside kan vera oppbygd på mange ulike måtar, alt frå ei enkel side med tekst, til mange sider med tekst, bilete, ljod og video.

DSL

DSL står for Digital Subscriber Line, og er ei samling ulike teknologiar som aukar kapasiteten i koparbaserte telefonnett til høgare bandbreidder.

ISDN

ISDN er kortform for Integrated Services Digital Network (tenesteintegrert digitalt nett). Det finst fleire variantar, men den vanlege kallast ISDN-grunntilknyting (Basic Access), eller 2B+D og består av to B-kanalar med 64 kbit/s for brukardata og ein D-kanal med 16 kbit/s for signalering, brukarmeldingar og datakommunikasjon.

Analogt modem

Instrument som omdannar utgåande digitale signal frå ei datamaskin eller anna digitalt apparat til analoge signal for ei konvensjonell telefonline eller omdannar inngåande analoge signal til digitale signal for det digitale apparatet.

Intranett

Heimesider som berre er tilgjengeleg innan føretaket.

Ekstranett

Heimesider som berre er gjordt tilgjengeleg for ei avgrensa gruppe utanfor føretaket.

Breibandstelefoni

Breibandstelefoni er ein teknologi for å føra telefonsamtalar over Internett der talen overførast som datapakke.

Elektronisk handel

Elektronisk handel inkluderer bestillingar via elektroniske nettverk, både Internett og andre samband mellom datamaskiner i forskjellige føretak. Betaling og leveranse må ikkje nødvendigvis ordnast via elektroniske nettverk. Elektronisk handel kan gjerast via heimesider eller automatisert datautveksling mellom føretak, men manuelt inntasta meldingar via vanleg e-post inkluderast ikkje.

Automatisert datautveksling

Automatisert datautveksling mellom føretaket og andre IKT-system tyder utveksling av meldingar (for eksempel bestillingar, betalingstransaksjonar eller skildringar av varer) via Internett eller andre nettverk i eit avtalt format som tillet automatisk behandling (for eksempel XML, EDIFACT, osv.) utan at den enkelte melding blir tasta inn manuelt.

Programvare med open kjeldekode

Programvare som kan nyttast utan lisensbetaling og kor kjeldekoden er open og fritt tilgjengeleg (f.eks open office, Linux, Firefox/Mozilla)

Standard for næringsgruppering (SN2007).