Pris

Data som blir bestilte frå SSB er gratis, men timane som blir brukte for å gjennomføre oppdraget må forskaren i dei fleste tilfella betale. Før arbeidet blir påbyrja vil SSB kalkulere oppdraget og gi eit pristilbod. Prisen vil vere berekna til sjølvkost.

Kalkyle

Det blir nytta timeverkprisar i tilfelle der oppdraget er av "kortare" lengd eller er stykka opp i fleire periodar. Årsverkprisar er grunnlaget når kontrakten har eit større omfang og/eller lengd, vanlegvis eit årsverk eller meir.

Ved oppdrag som går over fleire år skal ein kunne regulere prisane årleg.

Timeprisen som er grunnlaget, tek utgangspunkt i kven som utfører arbeidet.

Gjeldande satsar

SSB har følgjande gruppeinndeling og timeprisar:

Gruppe	Stillingstype	Timepris ekskl. mva:
Gruppe 1	leiarar	kr 904
Gruppe 2	forskarar, rådgivarar og prosjektleiarar	kr 749
Gruppe 3	saksbehandlar I	kr 572
Gruppe 4	saksbehandlar II	kr 526
Gruppe 5	kontorstillingar	kr 456

Meirverdiavgift (mva.)

Årsverk- og timeprisane i tabellen er eksklusive mva. Alle brukaroppdraga blir i tillegg belasta med mva.

2010 © Statistisk sentralbyrå