Godkjenning av einingar som kan få tilgang til data frå SSB

SSB kan gi tilgang til mikrodata til forsking i samsvar av statistikkloven § 2-5 og Datatilsynets vedtak av 16.03.2006.

Mikrodata kan etter søknad lånast ut til institusjonar som er godkjende som forskingseiningar. Det vil her seie institusjonar som er oppretta med heimel i lov om universitet og høgskoler (LOV-2005-04-01-15), og forskningsinstitusjonar som er omfatta av Retningslinjer for statlig basisfinansiering av forskningsinstitutter.

Andre einingar kan søkje om tilgang til data frå SSB til konkrete prosjekt utan å vere godkjende som forskingseiningar, det vil seie for forskingsprosjekt:

• som er finansierte av Noregs forskingsråd (NFR)
• som er finansierte av andre nasjonale og internasjonale forskingsprogram,
• på oppdrag frå ein offentleg instans kor ein nyttar Standardkontrakt for oppdragsforskning (Kunnskapsdepartementet 2006).

Einingar som ikkje er oppførte på oversikta, eller ikkje kjem inn under unntaka nemnde over, og som treng [mikro]data frå SSB til eit forskingsprosjekt, må søkje om å bli godkjende før data kan lånast ut.

• Oversikt over einingar som kan søkje om tilgang til mikrodata frå SSB
• Tilgangskriterium
• Søknadsskjema

2010 © Statistisk sentralbyrå