Innhald
Om statistikken
Administrative opplysingar
-
Namn og emne
-
Namn: Fag- og forskingsbibliotek
Emne: Kultur og fritid
-
Neste publisering
-
-
Ansvarleg seksjon
-
Seksjon for utdanningsstatistikk
-
Regionalt nivå
-
Fylke
-
Kor ofte og aktualitet
-
Statistikken blir publisert ein gong i året. Datagrunnlaget er kalenderåret, med publisering normalt i mai.
-
Internasjonal rapportering
-
Ikkje relevant
-
Lagring og bruk av grunnmaterialet
-
Nasjonalbiblioteket står som eigar av data og har gjennomarbeidd ei fil til utarbeiding av eigen statistikk over sektoren.
Bakgrunn
-
Føremål og historie
-
Føremålet med statistikken er å gje ei samla oversikt over aktiviteten på området i løpet av året. Statistikken gjev også naudsynt informasjon for dei som er involverte i drifta eller finansieringa av biblioteka på ein eller annan måte. Statistikken har vore publisert årleg sidan 1980 i samarbeid med Riksbibliotekstenesta (RBT) og ABM-utvikling - Statens senter for arkiv, bibliotek og museum. Frå og med publiseringsåret 2011 er samarbeidet med Nasjonalbiblioteket.
-
Brukarar og bruksområde
-
Viktigaste brukarar er Nasjonalbiblioteket, Kulturdepartementet og Kunnskapsdepartementet og biblioteksektoren.
-
Samanheng med annan statistikk
-
Data blir brukte i internasjonal samanheng av LIBECON (http://www.libecon.org/), basert på rapporteringar frå Nasjonalbiblioteket. Nasjonalbiblioteket sine rapporteringar er baserte på standarden ISO 2789, Information and documentation - International library statistics.
-
Lovheimel
-
Ikkje relevant
-
EU-regulering
-
Ikkje relevant
Produksjon
-
Omfang
-
Statistikken dekkjer fag- og forskingsbibliotek ved norske universitet og høgskolar, offentlege og private spesialbibliotek og Nasjonalbiblioteket. Nasjonalbiblioteket ajourfører ei oversikt over alle eksisterande bibliotek. Statistikken omfattar bestand, tilgang og avgang av forskjellige typar bøker, periodika, tidskrifter osv. samt rekneskapsdata og data om tilsette.
-
Datakjelder og utval
-
Det enkelte bibliotek er kjelde for sine data. Men ein har prøvd å lage statistikkskjemaet med tanke på at data skal vere tilgjengelege i dei bibliotekfaglege systema, f.eks. BIBSYS.
Undersøkinga er meint å dekkje heile sektoren.
-
Datainnsamling, revisjon og berekningar
-
Statistikkskjemaet er lagt ut på Nasjonalbiblioteket sine nettsider, og biblioteka leverer data elektronisk. Statistisk sentralbyrå mottek ei datafil frå Nasjonalbiblioteket som vil danne grunnlaget for den offisielle statistikken. Nasjonalbiblioteket har også ansvaret for purringar og ajourføring av populasjonen.
Logiske summeringar og samanhengen i skjemaet blir sjekka. I tillegg blir det kontrollert mot fjorårets tal der det er uvanleg store avvik frå forventa rapporterte tal.
-
Konfidensialitet
-
Ikkje relevant
-
Samanlikningar over tid og stad
-
Ikkje relevant
Omgrep
-
Definisjon av dei viktigaste omgrepa og variablane
-
Fjernlån - er lån frå eit bibliotek til eit anna bibliotek under anna administrativ eining eller lån til enkeltpersonar/ institusjonar utanfor denne som sjølv vender seg til biblioteket.
Databasar - blir delt opp i desse typane:
- referansedatabasar; ei samling av bibliografiske referansar i ein database
- fulltekstdatabasar; er ei samling av originaltekster
- andre databasar er t.d. oversikter/ katalogar, ordbøker, statistikkbasar osv.
-
Standard klassifikasjonar
-
Baserer seg på den internasjonale standarden på området som er ISO 2789, Information and documentation - International library statistics.
Feilkjelder
-
Feilkjelder og uvisse
-
Ikkje alle bibliotek fyller ut alle felta. Årsaka kan sjølvsagt vere at det ikkje finst data å rapportere, men i enkelte tilfelle kan det også kome av feiltolkingar, forgløymingar eller manglande oppdatering av fagsystema som vil kunne føre til feilrapportering og dermed feil i statistikken.
Fråfall: Sjølv om svarprosenten er tett opp til 100 prosent, vil det vere eit lite fråfall av einingar som vil vere ei feilkjelde i samanlikningar av totaltala mellom dei forskjellige årgangane
