Innhald
Auke i produksjonen av fjørfekjøt
Produksjonen av fjørfekjøt gjekk opp med nesten 7 000 tonn, til om lag 91 000 tonn, frå 2011 til 2012. På same tid hadde storfekjøt ein nedgang på 4 000 tonn, eller 4,51 prosent. Det var liten endring i produksjonen av svine- og sauekjøt.
| Tonn | Prosent endring fra | ||
|---|---|---|---|
| 2012 | 2011 - 2012 | 2002 - 2012 | |
| I alt | 324 155 | 0,9 | 24,0 |
| Svin | 131 559 | 0,6 | 26,5 |
| Fjørfe | 91 156 | 7,6 | 98,7 |
| Storfe | 77 982 | -4,5 | -8,9 |
| Sau | 22 777 | -2,6 | -8,8 |
Samla kjøtproduksjon auka svakt med 3 000 tonn, til 324 000 tonn, frå 2011 til 2012. Det var produksjonen av fjørfekjøt som auka mest, med 7,6 prosent. Slakt av storfe og sau gjekk i same perioden ned med respektive 4,5 og 2,6 prosent, medan slakt av svin hadde lita endring. Av det kontrollerte slaktet i 2012 utgjorde svinekjøt 132 000 tonn, fjørfekjøt 91 000 tonn, storfekjøt 81 000 tonn og sauekjøt 23 000 tonn.
Det blir framleis produsert mest kjøt i Rogaland, heile 23 prosent av produksjonen, medan Nord-Trøndelag og Hedmark stod for 14 og 12 prosent av totalproduksjonen. Rogaland var største kjøtprodusenten av svinekjøt, storfekjøt og sauekjøt med respektive 39 400 tonn, 13 200 tonn og 4 900 tonn. Produksjonen av fjørfekjøt var størst i Østfold og Nord-Trøndelag.
1 Talet blei retta 22. april kl. 10.30.
Kontakt
-
Berit Bjørlo
E-post: berit.bjorlo@ssb.no
tlf.: 62 88 55 07
-
Anne Bakke Skara
E-post: anne.skara@ssb.no
tlf.: 62 88 52 79
