Innhald
Lågare driftsresultat for kraftselskapa
Driftsresultatet for kraftselskapa blei 30,5 milliardar kroner i 2011, ein nedgang på 19 prosent frå året før. Dette kan sjåast i samanheng med lågare elektrisitetsprisar i 2011.
| 2011 | Andel | Prosent | |
|---|---|---|---|
| 2010 - 2011 | |||
| Produksjon i alt | 127 632 | 100,0 | 3,2 |
| Vasskraftproduksjon | 121 553 | 95,2 | 3,8 |
| Varmekraftproduksjon | 4 795 | 3,8 | -14,4 |
| Vindkraftproduksjon | 1 283 | 1,0 | 46,0 |
| Forbruk i alt | 114 275 | 100,0 | -5,2 |
| Kraftintensiv industri | 34 854 | 30,5 | -0,2 |
| Bergverksdrift og utvinning | 6 138 | 5,4 | 0,1 |
| Industri utanom kraftintensiv industri | 7 840 | 6,9 | -3,6 |
| Diverse forsynings- og renovasjonsverksemd | 1 726 | 1,5 | -8,2 |
| Transport og lagring | 1 647 | 1,4 | -6,1 |
| Bygg- og anleggsverksemd og anna tenesteyting | 24 005 | 21,0 | -6,8 |
| Hushald og jordbruk | 38 064 | 33,3 | -9,3 |
Produksjonsverka hadde det høgaste driftsresultatet, på 24,8 milliardar kroner. Nettselskapa oppnådde eit driftsresultat på 2,9 milliardar, medan driftsresultatet for resterande verk var 2,8 milliardar. Årsoverskotet i kraftsektoren blei 15,2 milliardar i 2011. Dette er ein nedgang frå året før på 30 prosent.
Oppgang i bruttoinvesteringane
Bruttoinvesteringane for kraftselskapa gjekk opp frå 11,8 milliardar i 2010 til 14,4 milliardar kroner i 2011. Medan bruttoinvesteringar i vasskraftstasjonar var 3 919 millionar, var bruttoinvesteringar i varmekraft- og vindkraftverk høvesvis 18 og 1 491 millionar. Investeringane i vindkraftverk vart litt meir enn fordobla i høve til året før. Det vart investert i sentral-, regional- og distribusjonsnett for høvesvis 1 493, 1 032 og 3 462 millionar i 2011.
Høgast straumproduksjon i Hordaland
Produksjonen av elektrisk kraft var 127,6 TWh i 2011, som er ein auke frå 2010 på 3 prosent. Medan varmekraft og vindkraft stod for høvesvis 4 og 1 prosent av samla produksjon, var delen til vasskraft 95 prosent. I 2011 vart det produsert mest elektrisitet i Hordaland. Straumproduksjonen i dette fylket utgjorde 13 prosent av total kraftproduksjon. Andre fylke med høg produksjon er Sogn og Fjordane og Nordland. Produksjonen i kvart av desse fylka utgjorde 11 prosent av total kraftproduksjon. Noreg eksporterte 14,3 TWh i 2011, medan vi importerte 11,3 TWh. Dette ga ein netto eksport på 3,0 TWh.
Lågare straumforbruk
Frå 2010 til 2011 var det ein nedgang i totalt nettoforbruk av straum på 5 prosent, og forbruket blei 114,3 TWh. Nedgangen må sjåast i samanheng med betydeleg varmare vêr i 2011. Hushald og jordbruk stod for ein tredjedel av det totale straumforbruket. Andre næringar med høg del er kraftintensiv industri (31 prosent) og tenesteyting (22 prosent).
Nedgang i elektrisitetsprisane for hushald
Den totale prisen eit hushald måtte betale for kraft, nettleige og elavgift gjekk ned frå 87,4 øre/kWh i 2010 til 84,2 øre/kWh i 2011, eksklusive meirverdiavgift. Kraftprisen, nettleige og elavgift til hushald var høvesvis 44,5, 28,8 og 10,9 øre/kWh i 2011.
Kontakt
-
Magne Holstad
E-post: magne.holstad@ssb.no
tlf.: 21 09 47 70
-
Marita Stalund
E-post: marita.stalund@ssb.no
tlf.: 21 09 44 84
