Barnehagar, eigenbetaling endringstal
04.02.10 - Barnehagar, førskular
Førekomsttal: Halvårlig undersøking
Aktualitet: Den halvårlige statistikken publiserast om lag ein månad etter måletidspunktet.
Publisering av endringstal på regionalt og nasjonalt nivå.
240 - Seksjon for prisstatistikk
Statistikklova av 16.juni 1989 nr. 54, §§2-1, 2-2 og 2-3
Inga
Ikkje relevant.
Føremålet med denne statistikken er å kartlegge utviklinga i foreldrebetalinga i barnehagar. Undersøkinga er ein delindeks som inngår direkte i konsumprisindeksen. Statistikken vart etablert i 1985. Undersøkinga måler foreldrebetalinga per 15. januar og 15. august kvart år og inngår i konsumprisindeksen for januar og august. Frå 2004 vart vekta gjennomsnitt nytta. Frå 2007 innhentast kommunale betalingssatser elektronisk gjennom KOSTRA. Frå januar 2010 er det tilnærma fulltelling av kommunane i landet.
Endringstala nyttast til å sjå på utviklinga i barnehagesatsane på regions- og landsnivå. Statistikken nyttast framfor alt som ein delindeks i konsumprisindeksen.
Undersøkinga omfattar alle landet sine kommunar. Kommunane vert bedne om å gje fyljande opplysningar for kommunale barnehagar:
Tal på timar per veke for fulltids- og deltidsopphald
Månadleg foreldrebetaling for fulltids- og deltidsopphald
Moderasjon for sysken nr. to og tre
Eventuelle kostpengar og andre tilleggsutgifter
Tal på gonger i året foreldra vert avkrevd betaling for barnehageplassen
Eventuelle rabatt-/friplassordningar
I tillegg består undersøkinga av om lag 250 private barnehagar som vert bedne om å rapportere tilsvarande opplysningar for eit fulltidstilbod.
Skjemadata fra private barnehagar og elektronisk data frå kommunene.
Frå Januar 2007 vert elektronisk data samla inn for kommunale barnehagar gjennom KOSTRA dette innebærer fulltelling av kommunane. Dei private barnehagane vert trekt tilfeldig etter stratifisering på geografisk område.
Både kommunane og dei private barnehagane rapporterar halvårleg med svarfrist i januar og august. Kommunane rapporterar elektronisk medan dei private barnehagane rapporterar postalt. Purring via e-post for kommunane og purring via brev, eventuelt telefon, for dei private barnehagane avhengig av storleiken på fråfallet.
Skjemaa frå både dei private- og kommunale barnehagane lesast elektronisk inn i sas rekneark og vert revidert der. Dataa sjekkast opp mot data frå sist år og sist måling for å kunne fange opp avvik. Ved store avvik kontaktast den enkelte kommune/private barnehage gjennom Internett eller per telefon.
Det vert berekna indeksar for årsbetaling inkludert kostpengar og andre tilleggsutgifter for barn over tre år i kommunale og private barnehagar. For dei kommunale barnehagane bereknast ein indeks for både fulltids- og deltidstilbod som vektast saman til ein indeks for kommunen. Indeksane på kommunenivå vektast saman til geografiske områder og til landsnivå etter tal på barn i kommunal barnehage. Indeks på landsnivå inngår i konsumprisindeksen. Betalingssatsane som målast er i henhold til kommunane sine eigne betalingssystem, og for kommunar med inntektsgradert betalingssystem vektast dei ulike satsane på ulike inntektsnivå saman på bakgrunn av inntektsstatistikk for småbarnsfamiliar i den enkelte kommune. Indeks for årsbetaling i private barnehagar bereknast på bakgrunn av betalingssatsar for fulltidstilbodet. For barnehagar med inntektsgraderte satsar vektast også disse saman på basis av same inntektsstatistikk som for kommunane. Dei private barnehagane er stratifisert etter geografiske områder og innad i disse sonene bereknast uvekta aritmetiske gjennomsnitt av årsbetalingane. Indeksar for de ulike geografiske områda vektast saman til et landsnivå etter tall på barn i privat barnehage og inngår i konsumprisindeksen. Det bereknast også ein vekta indeks for barn i både kommunale og private barnehagar.
Bruk av innsamla data fra oppgavegjevarar vil skje i samsvar med dei krav frå Datatilsynet. Opplysningane vil oppbevarast og eventuelt tilintetgjerast på en forsvarleg måte.
Flate satsar: betalingssatsar som er uavhengig av hushaldninga si inntekt.
Inntektsgraderte satsar: betalingssatsar som varierar jamfør hushaldninga si inntekt.
Eigenbetaling i barnehagar: utgifter ei hushaldning har til barnehageplass.
Inndeling på regions- og landsnivå.
Det er ikkje gjort noko kartlegging av moglege feilkjelder i statistikken, men feil kan oppstå ved manuell utfylling. Lesefeil og pønsjefeil er imidlertid ofte openbare feil som fangast opp og rettast under revisjon. Data fra kommunane innhentast elektronisk, og det er lagt inn logiske kontrollar som slår ut på moglege feil.
Høgare svarprosent blant kommunane enn blant dei private barnehagane. Ved utløp av fristen ligg svarprosent på rundt 60 prosent for de private barnehagane, etter purring ligger svarprosent på rundt 90 prosent for disse.
Det er ikkje gjort berekningar av utvalgsfeil i undersøkinga.
Ikkje relevant.
Endringstal for dei kommunale barnehagane har i perioden 1992 og 2006 vore basert på ei utvalgsundersøking på 109 kommunar. Frå august 2007 er disse endringstala basert på tilnærma fulltelling. Spørreskjemaa er også noko utvida frå 2007 til no å også inkludere spørsmål om til dømes tilleggsutgifter.
Undersøkinga inngår i konsumprisindeksen og er basert på same datamateriale som vert rapportert til Kunnskapsdepartementet.
http://www.ssb.no/barnegenend/
Statistikken offentliggjerast elektronisk via Dagens statistikk på SSB si heimeside på verdsveven.
Grunnmaterialet lagrast i SAS datasett på Unix.
2010 © Statistisk sentralbyrå