Fleire ledige stillingar

Publisert:

15. februar 2018

Talet på ledige stillingar auka med 3 000 frå 3. til 4. kvartal 2017, viser sesongjusterte tal. Størst oppgang hadde varehandel og helsetenester, mens sosiale omsorgstenester utan butilbod fortset nedgangen.

Tallene er hentet fra
Ledige stillingar

Artikkelen er en del av serien
Ledige stillingar (arkiv)

Sjølv om det sesongjusterte talet på ledige stillingar auka frå 60 200 til 63 200 sist kvartal, viser figur 1 at trendtalet hadde ein svak negativ utvikling. Dette treng ikkje å bety at talet på ledige stillingar er på veg ned, for det er større uvisse knytt til trendtala for dei aller siste observasjonane enn for resten av serien.

Figur 1 viser at utviklinga i det sesongjusterte talet på ledige stillingar har vore positiv sidan 4. kvartal 2016, samstundes med at trendtalet har auka frå 1. kvartal 2016 til 3. kvartal 2017. I tillegg er det sesongjusterte talet i 4. kvartal 2017 det høgaste sidan 2. kvartal 2013. Den sesongjusterte prosentdelen av ledige stillingar var på 2,2 prosent i 4. kvartal 2017. Talet har ikkje vore høgare sidan 3. kvartal 2013.

Figur 1. Ledige stillingar. Sesongjusterte tal og trend

	Sesongjustert	Trend
4. kv. 2010	63200	63500
1. kv. 2011	66000	66500
2. kv. 2011	71600	70100
3. kv. 2011	69900	70600
4. kv. 2011	70100	69300
1. kv. 2012	66200	67200
2. kv. 2012	65000	64600
3. kv. 2012	63500	64100
4. kv. 2012	65600	65200
1. kv. 2013	64600	65800
2. kv. 2013	67600	65300
3. kv. 2013	61600	61900
4. kv. 2013	57200	58100
1. kv. 2014	58900	57700
2. kv. 2014	59100	58300
3. kv. 2014	56900	57500
4. kv. 2014	59500	57100
1. kv. 2015	57700	56700
2. kv. 2015	56700	55000
3. kv. 2015	52400	52600
4. kv. 2015	49900	51000
1. kv. 2016	52900	50900
2. kv. 2016	51400	52400
3. kv. 2016	55200	54000
4. kv. 2016	53600	55600
1. kv. 2017	55700	57500
2. kv. 2017	59400	59500
3. kv. 2017	60200	61100
4. kv. 2017	63200	60900

Varehandel aukar mest

Næringsgreina med den største auken i talet på ledige stillingar er varehandel og motorvognreparasjonar, viser sesongjusterte tal. Her gjekk talet opp med 1 200 stillingar sidan førre kvartal, og med 2 800 sidan 4. kvartal 2016.

Ei anna næring med stor vekst i sesongjusterte tal på ledige stillingar var helsetenester. Ein auke 1 000 stillingar frå førre kvartal betyr at det var 5 700 ledige stillingar i denne næringa i 4. kvartal 2017. Det var det høgaste talet sidan 3. kvartal 2016.

Nedgang innan sosiale omsorgstenester utan butilbod

På den andre sida av skalaen, finn ein sosiale omsorgstenester utan butilbod. Etter ein kraftig oppgang mellom 1. og 2. kvartal i 2017, har det vore nedgang resten av året. Justert for sesongvariasjonar gjekk talet på ledige stillingar ned frå 5 700 i 2. kvartal til 4 200 i 4. kvartal 2017.